s_.]

"Meiner Clath, gentilhomme demeurant au chateau de Boutenbrouch situe au
duche de Juliers, avoit un valet nomme Guillaume, lequel depuis quatorze
ans estoit tourmente et possede du diable, dont ainsi qu'il commencoit
quelquefois a se porter mal, a la suscitation de ce malin esprit, il
demanda pour confesseur le cure de Saint-Gerard, Barthelemy Paven... lequel
etant venu pour jouer son petit rollet... ne put faire du tout le
personnage muet. Or ainsi que ce demoniacle avoit la gorge enflee, la face
ternie, et que l'on craignoit qu'il n'estouffast, Judith femme de Clath,
honneste matrone, ensemble tous ceux de la maison commencent a prier Dieu.
Et incontinent il sortit de la bouche de ce Guillaume entre autre
barbouilleries, toute la partie du devant des brayes d'un berger, des
cailloux dont les uns estoyent entiers et les autres rompus, des petites
plotes de fil, une perruque semblable a celle dont les filles ont
accoustume d'user, des esguilles, un morceau de la doublure de la saye d'un
petit garcon, et une plume de paon, laquelle ce mesme Guillaume avoit tire
de la queue de un paon des huict jours auparavant qu'il devint malade.
Estant interrogue de la cause de son mal, il respondit qu'il avoit
rencontre une femme pres de Camphuse, laquelle luy avoit souffle au visage:
et que toute sa calamite ne procedoit d'ailleurs. Toutes fois apres qu'il
fust guery il nia que ce qu'il avoit dict fut vray: mais au contraire, il
confessa qu'il avoit este induit par le diable a dire ce qu'il avoit dict.
D'avantage il ajouta que toutes ces matieres prodigieuses n'avoient pas ete
dedans son ventre, ains qu'elles avoyent ete poussees dedans son gosier par
le diable, cependant que l'on le regardoit vomir. Satan le deceut par
illusions. On pensa plusieurs fois qu'il voulust se tuer on s'en voulust
fuir. Un jour, s'estant jette dedans un tect a pourceaux, et garde plus
soigneusement que de coustume, il demeura les yeux tellement fermez
qu'impossible fut les desclorre. Enfin Gertrude, fille aisnee de Clath,
aagee d'onze ans, s'approchant de lui, l'admonesta de prier Dieu que son
bon plaisir fust lui rendre la veue. Sur cela Guillaume la requit de prier,
ce qu'elle fit, et incontinent elle lui ouvrit les yeux, au grand
esbahissement de chacun. Le diable l'exhortoit souvent de ne prester
l'oreille ni a sa maitresse, ni aux autres qui lui rompoyent la teste, en
lui parlant de Dieu, duquel il ne pouvoit estre aide, puisqu'il estoit mort
une