t sainct Augustin, au livre de la _Cite de
Dieu_, livre XVIII, chap. XVII et XVIII, recite que de son temps, il y
avoit es Alpes certaines femmes sorcieres qui donnoyent a manger de certain
formage aux passants et soudainement estoyent transformez en asnes ou en
autres bestes de sommes, et leur faisoyent porter des charges jusqu'a
certains lieux; ce qu'ayant execute, leur rendoyent la forme humaine."
"L'evesque de Tyr, historien, escrit que de son temps, qui pouvoit estre
1220, il y eut quelques Anglois que leur Roy envoyoit au secours des
Chrestiens qui guerroyoient en la terre saincte, qui estans arrivez en une
havre de l'isle de Cypre, une femme sorciere transmua un jeune soldat
anglois en asne, lequel voulant retourner vers ses compagnons dans le
navire fut chasse a coups de baston, lequel s'en retourna a la sorciere,
qui s'en servit jusqu'a ce qu'on s'apperceut que l'asne s'agenouilla dans
une Eglise, faisant choses qui ne pouvoyent partir que d'un animal
raisonnable, et par suspicion la sorciere qui le suivoit estant prise par
authorite de justice, le restitua en forme humaine trois ans apres sa
transformation, laquelle fut sur le champ executee a mort."
"Nous lisons, reprend Loys Guyon[1] qu'Ammonius, philosophe peripateticien,
avoit ordinairement a ses lecons et lors qu'il enseignoit un asne, qui
estoit du temps de Lucius Septimius Severus, empereur, l'an de J.-C. 196.
Je penseroy bien que cest asne eust este autrefois homme, et qu'il
comprenait bien ce que ledit Ammonius enseignoit, car ces personnes
transformees, la raison leur demeure comme l'asseure le dit sainct Augustin
et plusieurs autres auteurs."
[Note 1: _Diverses lecons_, t. I, p. 426.]
"Fulgose escrit, livre VIII, chap. II, que du temps du pape Leon, qui
vivoit l'an 930, il y avoit en Allemagne deux sorcieres hostesses qui
avoyent accoustume de changer ainsi quelques fois leurs hostes en bestes,
et comme une fois elles changerent un jeune garcon basteleur en asne, qui
donnoit mille plaisirs aux passans, n'ayant point perdu la raison, leur
voisin l'acheta bien cher, mais elles dirent a l'acheteur qu'elles ne le
luy garantiraient pas et qu'il le perdoit s'il alloit a la riviere. Or
l'asne s'estant un jour eschappe, courant au lac prochain ou s'etant plonge
en l'eau, retourna en sa figure. Nostre Apuleius dit qu'il reprint sa forme
humaine pour avoir mange des roses."
"On voit encore aujourd'huy en Egypte des asnes qu'aucuns menent en la
pl
|