oemetieres et autour des
sepulchres, tellement qu'on descouvre incontinent en eux une merveilleuse
alteration de cerveau, surtout en l'imagination et pensee miserablement
corrompue: en telle sorte que leur memoire a quelque vigueur, comme je l'ay
remarque en un de ces melancholiques lycanthropes que nous appelons
loups-garoux. Car lui qui me conoissoit bien, estant un jour saisi de son
mal, et me rencontrant, je me tiray a quartier craignant qu'il m'offensast.
Lui m'ayant un peu regarde passa outre suivi d'une troupe de gens. Il
portait lors sur ses espaules la cuisse entiere et la jambe d'un mort.
Ayant este soigneusement medicamente, il fut gueri de cette maladie. Et me
rencontrant une autre fois me demanda si j'avais point eu peur, lorsqu'il
me vint a la rencontre en tel endroit: ce qui me fait penser que sa memoire
n'estoit point blessee en l'acces et vehemence de son mal, combien que son
imagination le fust grandement.

[Note 1: Au IXe chapitre de son _Traicte de la guerison des
maladies_.]

[Note 2: _Thresor des histoires admirables_, t. I, p. 336.]

"Guillaume de Brabant, au recit de Wier[1] repete par Goulart[2], a escrit
en son _Histoire_ qu'un homme de sens et entendement rassis, fut toutes
fois tellement travaille du malin esprit, qu'en certaine saison de l'annee
il pensoit estre un loup ravissant, couroit ca et la dedans les bois,
cavernes et deserts, surtout apres les petits enfants: mesmes il dit que
cest homme fut souvent trouve courant par les deserts comme un homme hors
du sens, et qu'enfin par la grace de Dieu il revint a soy et fut gueri. Il
y eust aussi, comme recite Job Fincel au IIe livre _des Miracles_, un
villageois pres de Paule l'an mil cinq cens quarante et un, lequel pensoit
estre loup, et assaillit plusieurs hommes par les champs: en tua
quelques-uns. Enfin, prins et non sans grande difficulte, il asseura
fermement qu'il estoit loup, et qu'il n'y avoit autre difference, sinon que
les loups ordinairement estoyent velus dehors et lui l'estoit entre cuir et
chair. Quelques-uns trop inhumains et loups par effect, voulans
experimenter la verite du faict, lui firent plusieurs taillades sur les
bras et sur les jambes, puis conoissans leur faute, et l'innocence de ce
melancholique, le commirent aux chirurgiens pour le penser, entre les mains
desquels il mourut quelques jours apres. Les affligez de telle maladie sont
pasles, ont les yeux enfoncez et haves, ne voyent que malaisement, ont