la houppe, de donner de l'esprit autant qu'on en
scauroit avoir a la personne que je dois aimer le plus; & comme vous
estes, Madame, cette personne, il ne tiendra qu'a vous que vous n'ayez
autant d'esprit qu'on en peut avoir, pourvu que vous vouliez bien
m'epouser. La Princesse demeura toute interdite, & ne repondit rien. Je
voy, reprit Riquet a la houppe, que cette proposition vous fait de la
peine, & je ne m'en estonne pas; mais je vous donne un an tout entier
pour vous y resoudre. La Princesse avoit si peu d'esprit, & en meme
temps une si grande envie d'en avoir, qu'elle s'imagina que la fin de
cette annee ne viendroit jamais; de sorte qu'elle accepta la proposition
qui luy estoit faite. Elle n'eut pas plustost promis a Riquet a la
houppe, qu'elle l'epouseroit dans un an a pareil jour, qu'elle se sentit
tout autre qu'elle n'estoit auparavant; elle se trouva une facilite
incroyable a dire tout ce qui luy plaisoit, & a le dire d'une maniere
fine, aisee et naturelle: elle commenca des ce moment une conversation
galante, & soutenue avec Riquet a la houppe, ou elle brilla d'une telle
force, que Riquet a la houppe crut luy avoir donne plus d'esprit qu'il
ne s'en estoit reserve pour luy-meme. Quand elle fut retournee au
Palais, toute la Cour ne scavoit que penser d'un changement si subit &
si extraordinaire, car autant qu'on luy avoit ouey dire d'impertinences
auparavant, autant luy entendoit-on dire des choses bien sensees &
infiniment spirituelles. Toute la Cour en eut une joye qui ne se peut
imaginer, il n'y eut que sa cadette qui n'en fut pas bien aise, parce
que n'ayant plus sur son ainee l'avantage de l'esprit, elle ne
paroissoit plus aupres d'elle qu'une Guenon fort desagreable. Le Roi se
conduisoit par ses avis, & alloit meme quelquefois tenir le Conseil dans
son Appartement. Le bruit de ce changement s'estant repandu, tous les
jeunes Princes des Royaumes voisins firent leurs efforts pour s'en faire
aimer, & presque tous la demanderent en Mariage; mais elle n'en trouvoit
point qui eust assez d'esprit, & elle les ecoutoit tous sans s'engager a
pas un d'eux. Cependant il en vint un si puissant, si riche, si
spirituel & si bien fait, qu'elle ne pust s'empecher d'avoir de la bonne
volonte pour luy. Son pere s'en estant apperceu, luy dit qu'il la
faisoit la maistresse sur le choix d'un Epoux, & qu'elle n'avoit qu'a se
declarer. Comme plus on a d'esprit, & plus on a de peine a prendre une
ferme resolution sur cette affaire,