humains sont donnez aux
anges, aussi tost les habillemens se reduisent a neant, et eux remis en
leur premiere nature, et que toutesfois ils n'ont este sujets a aucunes
infirmitez humaines, pendant qu'ils ont estez veus en forme d'homme. Et
voila comme le doute de plusieurs sera oste touchant les corps des anges,
et leurs vestemens. Aussi que si ces anges n'avoyent des organes, comme les
autres hommes, ils ne pourroyent parler ni faire autres fonctions humaines,
comme firent ceux qui osterent la grosse tombe et pierre qui estoit sur le
sepulchre de Jesus-Christ.

"Il faut aussi noter la difference qu'il y a entre l'ame raisonnable et
intelligence ou angelique nature. Parce que l'ame raisonnable est unie au
corps et ensemble font une chose qui est l'homme, combien qu'elle puisse
subsister a part ou separement. Mais la nature angelique n'est point unie
au corps, mais sa creation porte de subsister par soy. Toutesfois
extraordinairement pour un peu de temps, et encore fort rarement Dieu cree
quant il lui plait un corps humain de rien a ses anges, qui retourne a
rien."

"Simon Grynee, tres docte personnage, estant alle, dit Goulart[1], l'an
1529, de Heidelberg a Spire, ou se tenoit une journee imperiale, voulut
ouyr certain prescheur, fort estime a cause de son eloquence. Mais ayant
entendu divers propositions contre la majeste et verite du fils de Dieu, au
sortir du sermon, il suit le prescheur, le salue honorablement, et le prie
d'estre supporte en ce qu'il avoit a dire. Ils entrent doucement en propos.
Grynee lui remonstre vivement et gravement les erreurs par lui avancez, lui
ramentoit ce qu'avoit accoustume faire sainct Polycarpe, disciple des
apostres, s'il lui avenoit d'ouyr des faussetez et blasphesmes en l'eglise.
L'exhortant au nom de Dieu de penser a sa conscience et se departir de ses
opinions erronees. Le prescheur demeure court, et feignant un desir de
conferer plus particulierement, comme ayant haste de se retirer chez soy,
demande a Grynee son nom, surnom, logis, et le convie a l'aller voir le
lendemain pour deviser amplement, et demonstre affectionner l'amitie de
Grynee, adjoustant que le public recueilleroit un grand profit de ceste
leur conference. Outre plus il monstre sa maison a Grynee, lequel delibere
se trouver a l'heure assignee, se retire en son hostellerie. Mais le
prescheur irrite de la censure qui lui avoit este faite, bastit en sa
pensee une prison, un eschaffaut et la mort a Grynee: lequel dis