e par le zenic des testes des habitans
[Page 3] d'icelle: Et les deux zones artique & entartique pour la grande
froideur qui est en icelle, a cause du peu d'eslevation qu'ilz ont
dudict soleil & autres raisons: le confesse qu'ilz ont escript de la
maniere, & croy fermement qu'ilz le pensent ainsi, & qu'ilz le treuvent
par aucunes raisons naturelles, ou ilz prenoient leur fondement, &
d'icelluy se contenfoient seulement sans aveuturer n'y mectre leurs
personnes es dangiers, esquelz ilz eussent peu ancheoir a cercher
l'experience de leur dire, Mais je dictz pour ma replique que le prince
d'iceulz philosophes a laisse parmy les escriptures ung mot de grande
consequence, qui dict que,_ Experientia est rerum magistra_; par
l'enseignement duquel j'ay ose entreprendre de adresser a la veue de
vostre mageste royalle, cestuy propos en maniere de prologue, de ce
myen petit labeur: Car suyvant vostre royal commandement. Les simples
mariniers de present non ayans eu tant de craincte d'eulz mectre a
l'advanture d'iceulx perilz & dangiers qu'ilz ont eu, & ont desir
de vous faire treshumble service a l'augmentation de la saincte foy
chrestienne, ont congneu le contraire d'icelle opinion des philosophes
par vraye experience. Je allegue ce que devant, parce que je regarde
que le soleil qui chascun jour se lieve a l'orient, & se reconce a
l'occident, faict le tour & circuit de la terre, donnant lumiere &
chaleur a tout le monde en vingt quatre heures, qui est ung jour
naturel, sans aucune interruption de son mouvement & cours [Page 4]
naturel. A l'exemple duquel je pense a mon foible entendement, & sans
autre raison y alleguer, qu'il plaist a Dieu par sa divine bonte que
toutes humaines creatures estans & habitans soubz le globe de la terre,
ainsy qu'elles ont veue, & congnoissance d'icelluy soleil ayt & ayent
pour la temps avenir congnoissance & creance de nostre saincte foy: Car
premierement icelle nostre saincte foy a este semee & plantee a la terre
saincte, qui est en Asye a l'orient de nostre Europe: Et depuis par
succession de temps apportee & divulguee jusques a nous, & finalement a
l'occident de nostredicte Europe a l'exemple du dict soleil portant sa
chaleur & clarte d'orient en occident comme dict est. Et pareillement
aussy avons veu icelle nostre saincte foy, par plusieurs fois a
l'occasion des meschans heretiques & faulz legislateurs, eclipses en
aucuns lieux: & depuis soubdainement reluyre & monster sa clerte plus
appertement
|