doulce, sortant a la mer, tellement que a plus
d'une lieue d'elle est aussi doulce que eaue de fontaine. Nous entrasmes
en ladicte riviere avecq noz barques, & ne trouvasmes a l'entree
d'icelle que brasse & demye. Il y a dedans ladicte riviere plusieurs
poissons, qui ont forme de chevaulx, lesquels vont a la terre de nuict,
& de jour a la mer, ainsi qu'il nous feut dict par nos deux sauvaiges:
Et de ces dictz poissons veismes grand nombre dedans la dicte riviere.

Le lendemain 2le jour dudict moys au matin a l'aube du jour feismes
voylle & feismes porter le long de la dicte coste, tant que nous eusmes
congnoissance de la reste de la dicte coste du Nort, que n'avions veu, &
de l'ysle de l'Assumption, que nous avions este querir au partir de la
dicte terre: & lors que nous feusmes certains que ladicte coste estoit
rengee, et qu'il n'y avoit nul passaige, retournasmes a nos navires qui
estoient esdictz sept ysles ou il y a bonne radde a dix huict & vingt
brasses de sablon: auquel lieu avons este sans pouoir sortir n'y faire
voylle pour la cause des bruynnes & ventz contraires qui faisoient
jusques au xxiiii deg. jour dudict moys que sommes arrivez a ung hable de la
coste du Su, qui est a environ quatre vingt lieues des dictz sept ysles,
qui est le travers de trois ysles plattes, qui sont par le parmy du
fleuve. Et environ le my chemin des dictes ysles & ledict hable devers
le Nort, y a une fort grande riviere, qui est entre les haultes & basses
terres, qui faict plusieurs bancqs a la mer a plus de trois lieues,
qui est ung pais fort dangereux & sont de deux brasses & moins, & a la
creste de iceulz bancqs trouverez xxv & xxx brasses bort a bort, toute
icelle coste du Nort, gist, Nort, Nordest, & Su sur Onaist.

Le hable devantdict ou posasmes qui est a la terre du Su, est hable de
marie & de peu de valleur, nous les nommasmes les Ysleaux [Page 11]
sainct Jehan, parce que nous y entrasmes le jour de la decollation
dudict faict, Et au paravant que arriver audit hable, y a une ysle a
Best d'icelluy environ cinq lieues, ou il n'y a point de passaige entre
terre & elle que par bateaux; le dict hable des ysleaux sainct Jehan
asseche toutes les marees, & y maryne l'eaue de deux brasses: Le
meilleur lieu a mettre navires est vers le Su d'ung petit yslot qui est
au parmy du dict hable bort au dict yslot.

Nous appareillasmes du dict hable le premier jour de septembre pour
aller vers Canada, & environ quinze lieues du dict hable a