fors bons a menger, & nous ont
affirme n'y en avoir en tout le dict fleuve qu'en cet endroit.
Le sixiesme jour dudict moys avec bon vent feismes courir a mont le dict
fleuve environ quinze lieues, & vinsmes poser a une ysle qui est bort
a la terre du Nort, qui faict une petite baye & couche de terre: a
laquelle y a ung nombre inestimable de grandes tortues, qui sont es
environs d'icelle ysle, Pareillement par iceulz du pais, se faist es
environs de la dicte ysle grand pescherie de Adhothuys. Il y a aussi
grant courant es environs de ladicte ysle comme devant Bordeaux de flo,
& ebbe. Icelle ysle contient environ trois lieues de long & deux de
large: & est une moult bonne terre & grasse, plaine de beaulx & grandz
arbres de plusieurs sortes: & entre autres y a plusieurs couldres
franches que trouvasmes fort chargees de noisilles aussi grosses & de
meilleur saveur que les nostres, mais ung peu plus dures. Et parce la
nommasmes l'ysle es Couldres.
Le septiesme jour dudict moys jour nostredame, apres avoir ouy la messe,
nous partismes de ladicte ysle pour aller a mont ledict fleuve, &
vinsmes a quatorze ysles qui estoient distantes de ladicte ysle es
couldres de sept a huict lieues, qui est le commencement de la terre
& province de Canada: desquelles en y a une grande qui a environ dix
lieues de long & cinq de large, en laquelle y a gens demourrans qui font
grand pescherie de tous les poissons qui sont dedans le dict fleuve
selon leur saison. Nous estans posez & a l'encre entre icelle grande
ysle, & la terre du Nort, alasmes a terre & portasmes les deux sauvaiges
que avions prins le precedent voyage:
Et trouvasmes plusieurs gens du pays, lesquelz commencerent a fuyr, & ne
vouloient aprocher jusques ad ce que nosdictz deux hommes commencerent
ae parler, & leur dire qu'ilz, estoient Taignoagny & dom Agaya. Et lors
qu'ilz eurent congnoissance d'eulx commencerent a demener [Page 13]
joye danfans & faisans plusieurs cerimonies; & vindrent parler des
principaulz a noz basteaux, lesquelz nous apportoient force anguilles, &
aultres poissons, avec deux ou trois charges de gros mil qui est le pain
de quoy ilz vivent en la dicte terre, & plusieurs gros melons. Et icelle
journee vindrent a nos navires plusieurs barques du pays chargees de
gens tant hommes que femmes pour veoir & faire chaire a nos dictz deux
hommes, les quelz feurent tous bien receuz par nostre cappitaine, qui
les festoya de ce qu'il peust, & pour faire sa congnois
|