uelz se tiennent entre la mer & l'eaue doulce qui
commence entre la riviere du Saguenay & Canada.

_Chapitre d'aucuns enseignemens que ceulx du pays nous ont donnez depuis
estre revenuz de Hochelaga_.

Depuis estre revenuz de Hochelaga avec le gallyon, & les barques, avons
converse alle & venu avec les peuples plus prochains de noz navires en
doulceur & amitye, fors que parfors avyons quelques differendz avec
aucuns mauvais garsons, dont les aultres estoient fort marris &
couroucez, & avons entendu par le seigneur Donnacona & aultres, que la
riviere devant dicte est nommee la riviere du Saguenay, & va jusques
audict Saguenay, qui est plus loing du commencement de plus [Page 34]
d'une lieue de chemin ver l'Onaist, Noronaist, & que passe huict ou neuf
journees, elle n'est plus parfonde que par basteaulx: mais que le droict
& bon chemin dudict Saguenay est par le fleuve jusques a Hochelaga, a
une riviere qui descend dudict Saguenay, & entre audict fleuve, & que de
la sont une lieue a y aller, & nous on faict entendre que les gens sont
vestuz & habillez comme nous, & de draps, & qu'il y a force villes &
peuples, & bonnes gens & qu'ilz ont grand quantite d'or & cuyvre rouge,
& que le tout de la terre depuis ladicte premiere riviere jusques a
Hochelaga & Saguenay, est une ysle, laquelle est circuite & environnee
dudict fleuve, & de rivieres. Et que passe ledict Saguenay va ladicte
riviere entrent en deux ou trois grandz lacz d'eaue, puis que on trouve
une mer doulce, de laquelle n'est mention avoir veu le bout, a ce qu'ilz
ont oy par ceux du Saguenay: car il nous ont dict ny avoir este, oultre
nous ont donne a entendre que au lieu ou nous avions laisse nostre
gallyon quand feusmes a Hochelaga, y a une riviere qui va vers le
Suronaist, ou semblablement sont une lune a aller jusques a une terre
ou il y a jamais glaces, ny neiges, mais que en ceste dicte terre y a
guerres continuelles les ungs avec les aultres. Et que en icelle terre y
a oranges, almandes, noix, pommes & aultres sortes de fruictz & en grand
habondance. Et nous ont dict les hommes & femmes d'icelle terre estre
vestuz & accoustrez de peaulx comme eulx. Apres leur avoir demande s'il
y avoit de l'or & cuyvre, nous ont dict que non. L'estime a leur dire
ledict lieu estre vers la floride, a ce qu'ilz monstrent par leurs
signes & marches.

_D'une grosse maladie qui a este au peuple de Stadacone, de laquelle
pour les avoir frequentez en avons este imbouez, telleme