q lieues, Et veoit on les terres du Nord encores plus haultes
que celles du Su a plus de trente lieues. Nous rangeasmes le dictes
terres du Su depuis ledict jour jusques au mardy que le vent vint
Onaist, & meismes le cap au Nord pour aller querir lesdites haultes
terres que voyons, & nous estans la trouvasmes lesdictes terres unyes &
basses vers la mer, & les montaignes devers le Nort par sus lesdictes
haultes terres gisant icelles terres, Est, & Onaist ung cart de Sur
Onaist. Et par les sauvaiges que avions, nous a este dict que cestoit
le commencement du Saguenay & terre habitable. Et que de la venoit le
cuyvre rouge qu'ilz appellent caignetdaze. Il y a entre les terres du Su
& celles du Nort, environ trente lieues, & plus de deux cens brasses
de perfond & nous ont lesdictz Sauvaiges certiffie estre le chemin &
commencement du grant Silenne de Hochelaga & chemin de Canada; lequel
alloit tousjours en estroissent jusques a Canada, puis que l'on treuve
l'aue doulce qui va si loing que jamais homme n'auroit este jusques
au bout qu'ilz eussent ouy, & que autre passaige n'y avoit que par
bateaulx. Et voyant leur dire & qu'ilz affermoient n'y avoir autre
passaige, ne voulut ledict cappitaine passer oultre jusques a avoir veu
le reste de ladicte terre & coste devers le Nort, qu'il avoit obmis de
veoir depuis la Baye saint Laurens pour aller veoir la terre du Su pour
veoir s'il y avoit aucun passaige.
_Comment nostre cappitaine feist retourner les navires en arriere,
jusques a avoir congnoissance de la Baye sainct Laurens pour veoir s'il
y avoit aucun passaige vers le Nort_.
Le mercredy 18e jour d'Aoust, nostre cappitaine feist retourner ses
navires en arriere, & mestre le cap a l'autre bort. Et rangeasmes
ladicte coste du Nort qui gist Nordest & Sur Ornaist faisant ung demy
arc, qui est une terre fort haulte non tant comme celle de Su: [Page 10]
Et arrivasmes le jeudy ensuyvant a sept ysles fort haultes: lesquelles
nous nommasmes les ysles Rondes, qui sont a environ quarante lieues des
terres du Su, & s'avancent hors a la mer trois ou quatre lieues, le
travers desquelles y a ung commencement de basses terres plaines de
beaux arbres; lesquelles terres nous rengeasmes le vendredi avec nos
barques, le travers desquelles y a plusieurs bancqs de sablon ae plus de
deux lieues a la mer, fort dangereux, lesquelz descuevrent de basse mer,
& au bout d'icelles basses terres qui contiennent environ dix lieues,
y a une riviere d'eaue
|