LA TRI AMIKOJ.

Konfidu je nenia amiko ne pruvinte lin. Cxe la festena tablo ni
trovas pli multajn ol cxe la pordo de la malliberejo.[16]

Homo havas tri amikojn; du el ili li multege amis, la tria estis al
li indiferenta, kvankam tiu cxi estis la plej sincera el cxiuj. En
tago li devis aperi antaux la jugxisto cxar li estis grave sed
maljuste kulpigita. "Kiu el vi," li diris, "venos kun mi por atesti
por mi, cxar mi estas grave kulpigita kaj la regxo kolerigxis?" La
unua el liaj amikoj tuj diris ke, pro aliaj aferoj, li ne povus iri
kun li. La dua akompanis lin gxis la pordo de la jugxejo, tiam li
iris returnen pro timo de la kolera jugxisto.

Sed la tria, al kiu li malplej konfidis, eniris, paroladis por li kaj
atestis tiel gxoje pri lia senkulpo, ke la jugxisto liberigis
lin.----

Homo posedas tri amikojn en tiu cxi mondo. Kiel li kondutos je la
horo de la morto, kiam Dio vokos lin antaux sian jugxejon? Mono, lia
plej bona amiko, forlasos lin unue. Liaj parencoj akompanos lin gxis
la pordo de la tombo, kaj tiam returnos domen. La tria, kiun li ofte
forgesis dum la vivo estas liaj Bonagoj. Nur tiuj cxi akompanos lin
gxis la trono de la Jugxisto. Ili antauxiros, parolos, kaj trovos por
li kompaton kaj pardonon.

Elise Bauer.

FOOTNOTE:

[16] Prison.

LEGENDO PRI LA VIRO EN LA LUNO.

Antaux multe da jaroj je Dimancxo, viro iris en arbaron por kolekti
lignon. Li kunigis gxin, kaj, portis gxin domen. Li renkontis belan
viron, dimancxe vestitan, kiu estis ironta al pregxejo. Li haltis,
ekparolis al la lignoportanto kaj diris "Cxu vi scias ke sur la tero
hodiaux estas Dimancxo, kiam Dio ripozis, kreinte la mondon, cxiujn
bestojn kaj la homaron? Cxu vi ne scias ke estas skribite en la tria
komando Sanktigu la Dimancxon?"

Sed la viro estis korhardigxita kaj respondis "Dimancxo tera aux
Lundo cxiela, kion faras tio al mi?" La bela viro, kiu estis Dio mem,
respondis "Portu do eterne vian brancxaron. Kaj tial ke Dimancxo sur
la tero sxajnas al vi esti senvalora, havu do eternan Lundon en la
Luno kaj staru cxiam tie kiel timiginta ekzemplo por cxiuj kiuj
malsanktigas la Dimancxon per laboro." De tiu tempo la viro kun la
brancxaro staras en la Luno, kaj eble starados tie eterne.

Elise Bauer.

PRAKTIKA UZO DE ESPERANTO.

Antaux iaj semajnoj aperis artikolo en la _Daily Mail_ kie oni
skribis ke Jxapananoj trovis ke, se ili mangxadis nur rizon, gxi
produktis hidropsion, sed se ili