vongur pali."
Savo-chirus mendi rakkerden o wuder pirido, te trin manushia vian
adre. . . . Pali lenders sarishans, M. shelde avri: "Av ta misali,
rikker yer skammins longo tute! Mrs. Lee, why didn't tute bring yer
rom?" "Adenna me shom kek rumadi." "Mi-duvel, Britannia!" pende ---
"M. pende amengy te tu sos rumado." "M. didn't dukker tacho vonka
yoi dukkerd adovo. Yois a dinneli," pendom me. Te adenne sar mendi
saden atut M. Haben sos kushto, loim a kani, ballovas te puvengros,
te kushto curro levina. Liom mendi kushto paiass dre moro puro
Romany dromus. Rinkenodiro sos, kerde mande pash ta ruv, shomas sa
kushto-bakno ta atch yecker apopli men mori foki. Sos "Britannia!"
akai, te "Britannia!" doi, te sar sa adre o puro cheirus, vonka chavi
shomas. Ne patserava me ta Dante chinde:--
"Nessun maggior dolore
Che ricordarsi dei tempi felici."
Talla me shomas kushto-bakno ta pen apre o puro chirus. Sar lende
piden miro kamaben Romaneskaes, sar gudlo; talla H. Yov pende nastis
ker lis, pa yuv kenna lias tabuti. Kushto dikin Romnichal yuv. Tu
tevel jin lesti sarakai pa Romani, yuv se sa kalo. Te _avec l'air
indefinnissable du vrai Bohemien_. Yuv patserde me ta piav miro
sastopen wavescro chirus. Kana shomas pa misali, geero vias keti
ian; dukkeriben kamde yov. Hunali sos i puri dye te pendes amergi,
"Beng lel o puro jukel for wellin vanka mendi shom hain, te kenna tu
shan akai, miri Britannia Yov ne tevel lel kek kushto bak. Mandy'll
pen leste a wafedo dukkerin." Adoi A. putcherde mengy, "Does tute
dukker or sa does tute ker." "Miri pen, mandy'll pen tute tacho.
Mandy dukkers te dudikabins te kers buti covvas. Shom a tachi Romani
chovihani." "Tacho! tacho!" saden butider. Miri pen te me rikkerdem
a boro matto-morricley pa i chavis. Yon beshden alay apre o purj,
hais lis. Rinkeno _picture_ sas, pendom dikkav mande te miri penia
te pralia kenna shomas bitti. Latcherdom me a tani kali chavi of
panj besh chorin levina avri miro curro. Dikde, sar lakis bori kali
yakka te kali balia simno tikno Bacchante, sa yoi prasterde adrom.
Pendom parako pa moro kushto-bakeno chirus--"kushto bak" te "kushto
divvus." Mendi diom moro tachopen ta well apopli, te kan viom kerri.
Patserava dikk tute akai talla o prasterin o ye graia. Kushto bak te
kushto ratti.
Sa
|