ne aftyr owt of England to relyeve the
ovyrthrow he had at Seyntclowe. And the dyvysyon betwene the duc of
Orlyance and the duc of Burgoyn dured yn Fraunce continuelly by .xj.
yeerday, as to the yeere of Crist M^liiij^cxviij, yn wyche yeere Phelip duc
of Burgoyn, a greet frende to the land, was pyteousely slayn at Motreaw,
and the cyte of Parys ayen taken by the Burgonons; lord Lyseladam
pryncipalle capteyn and the erle of Armonak conestable sleyn by the comyns
the seyd yere. (_End of the insertion._)

in soche undew enterprises theire can be thought no grettir tiranny,
extorcion, ne cruelte [by dyvysyons[98]].

How seint Lowes exorted and counceiled his sonne to moeve no werre ayenst
Cristen peple.

[Sidenote: Seynt Lowys. 1270.]

And the blissid king of Fraunce seint Lowes exhortid and comaunded in his
testament writen of his owne hand, that he made the tyme of his passing of
this worlde the year of Crist M^l.cclxx to his sonne Philip that reigned
after hym, that he shulde kepe hym welle, to meove no werre ayenst no
christen man, but if he had grevously done ayenst him. And if he seke waies
of peace, of grace and mercie, thou oughtest pardon hym, and take soche
amendis of hym as God may be pleasid. But as for this blessid kingis
counceile, it is notorily and openly knowen thoroughe alle Cristen Royaumes
that oure[99] adverse party hathe meoved [and] excited werre and batailes
bothe by lond and see ayenst this noble Royaume bethout any justice [or]
title, and bethout waies of pease shewed; and as forto {9} defende them
assailours uppon youre true title may be bethout note of tiranye, to put
yow in youre devoire to conquere youre rightfulle enheritaunce, without
that a bettir moyene be had.

A exortacion of a courageous disposicion for a reformation of a wrong done.

[Sidenote: Exclamacio.]

O then, ye worshipfulle men of the Englisshe nacion, which bene descendid
of the noble Brutis bloode of Troy, suffre ye not than youre highe auncien
couragis to be revalid ne desceived by youre said adversaries of Fraunce at
this tyme, neither in tyme to come; ne in this maner to be rebuked and put
abak, to youre uttermost deshonoure and reproche in the sighte of straunge
nacions, without that it may be in goodely hast remedied [as youre
hyghnesse now entendyth,[100]] whiche ye have be conquerours of, as ye[101]
to be yolden and overcomen, in deffaute of goode and hasty remedie,
thoroughe lak of provision of men of armes, tre