c.l, that every castelle, forteresse, and towne defensable of the
said duchiees [were delyvered upp by force or composicion to the adverse
partye.[142]] And if they had be alway furnished and stuffed withe suche
suffisaunt nombre of men of armes, with ordenaunce, vitaile, and wages
duely kept and be paied, that they myght couraged and enforced hem to have
bene kept stille the possession,[143] and they so being of the lyonns kynde
as to have bene of soo egir courage and so manly and stedfast as they were
before this tyme in that parties of Normandie, conquering, keping, and
defending it as they did by the space of .xxxv. yeris complete and .vij.
daies frome the begynnyng of the last conquest the thrid yere of king Henry
the .v^{the}., and not the whele of fortune turned ayenst this lande as it
hathe. Notwithestanding king Edwarde the thrid occupied not in his conquest
of Fraunce and Normandie passe .xxxiiij. yere, whiche that after undre
certayne condicions upon apoyntement of a smalle pease made atwix hym and
king Johan of Fraunce was {49} graunted that the saide king Johan shulde be
seased and possessid ayen of a part of the said roiaume and duchie for
certeyne countees, baronnyes, and seignories that we shulde in chief halde
in Guien and other contrees, whiche is more amplie declared in the saide
finalle trety of pease made at Bretygny; yet for alle the othes,
sacrementis, seles of bothe kingis and here lordis made, the said trety of
pease was sone broken by the adverse partie when they couth take theire
avauntage, about the yere of Crist M^l.ccc.lxxj.

[Sidenote: Exclamacio alia.]

[Sidenote: De amicicia per maritagia et alias alligancias fienda.]

[Sidenote: Nota bene.]

[Sidenote: Nota et concidera ad honorandum extraneos.]

He allas! we dolorous parsones suffring intollerabille persecucions and
miserie, aswelle in honoure lost as in oure[144] lyvelode there
unrecompensid, as in oure meveable goodes bereved, what shalle we doo or
say? Shalle we in this doloure, anguisshe, and hevynesse contynew long
thus? Nay, nay, God defende that suche intrusions, grete wrongis, and
tiranye shuld be left unpunisshed, and so gret a losse unpunysshed and not
repared! For one good moyen, undre correccion, may be this, and if youre
lordis wolde enforce hem to renew theire olde allie[gh] of straunge regions
and countrees, as the Romayns did whan they werrid in Auffrik ayenst the
Cartages, and of late daies king Edwarde the thrid ga