articuli, quoad
execucionem justicii.]

[Sidenote: Notandum est de ordinaria solucione Joh'is ducis Bedfordie.]

[Sidenote: Concidera.]

[Sidenote: Nota multiplicacionem officiariorum.]

And overmore, most highe and excellent prince, of youre benigne grace and
providence, if it please youre highenesse to have consideracion, in way of
justice and keping, to remedie one singuler offence and damage to youre
liege people, the whiche by Goddis law, and by law of reason and nature, is
the contrarie of it righte dampnable,[163] and which grevous offence, as it
is voised accustumablie, rennythe and hathe be more usid under [tho that
oughte be[164]] youre obeisaunce in Fraunce and Normandie than in othir
straunge regions: and to {72} every welle advised man it is easy to
undrestande that it is a thing that may welle bene amendid and correctid,
and to be a gret mene to the recuvere of youre londes in the saide adverse
partie; that is to say, that shalle be men of soude and of armes, as well
tho that [shalle be[165]] undre youre lieutenauntis as the chiefteins and
capetains, may be duely paide of her wages by the monithe, [lyke as Johan
regent of Fraunce payd,[165]] or by quarter, bethout any rewarde [of
curtesyie of colour[166]] gyven, bribe, defalcacion, or abreggement, or
undew assignacion not levable assigned or made unto them, aswelle in this
londe as in Normandie, to deceyve hem, or cause hem be empoverisshed in
straunge contreis, as it hathe be accustumed late in the saide contreis.
And that suche paymentis be made content bethout delaie or nede of[167]
long and grete pursute, upon suche a resonable peyne as the cause shalle
require it. And that none of youre officers roialle, nethir hir debitees or
commissioneris, shalle darre doo the contrarie to take no bribe, rewarde,
or defalke the kingis wagis; wherbie youre souldeours shalle not have cause
to oppresse and charge youre obeissauntis and youre peple in taking theire
vitaile bethout paieng therfor, whiche gret part of theym in defaut of due
payment hathe ben accustumed, by .x. or .xij. yere day contynued, or the
saide londes were lost, uncorrectid ne punisshid, [as] turned to the gret
undoing of youre saide obeisauntes, and one othir of gret causis that they
have turned their hertis frome us, breking theire allegeaunce by manere of
cohercion for suche rapyn, oppressions, and extorcions. And also the
officers than being nedithe not to have so many lieutenauntis or undre