e, graciously to considere
the grete repentaunce of your seid misdoers, and there brennyng desire
that thei have to aske mercy, and to redresse in al manere, and
refourme after there power as moche as it shalle mowe bene any wise
possible, there excesses, folies, and defauts aboveseid, and of
thabundaunt welle of grace; wherof the Almyghty Kyng, exempler of al
mercy and grace, hath endued you to receyve them to your mercie and
grace, and holly to foryeve alle that malfaisours or evil doers, or
they dwellyng in the same cite, by cause of them have trespasid to
your roial excellent maieste biforeseid; and your seid humble lieges
wol submitte them, and submitten them in dede to doo, bere, and obeie
almanere thing that shal in eny manere please the same your roial
maieste, and evermore that your seid humble lieges bisechen that thei
may be receyved to grace by Roger Walden archbisshop of Caunterbury,
Braybroke bisshop of London, Richard Whityngton maire of London, &c.
sufficiantly enformyd, and havyng ful and sufficiaunt auctorite and
power for al your humble lieges of the seid cite, and in there name to
swere and truely to holde, kepe, and observe, lowen and mayntene with
al there power, withouten fraude or malengyne, alle the statuts,
stablisshements, and jugements done or yolden or yeven in your high
parliament bigonnen at Westminster the Monday next after the
exaltacion of the Holy Cros, the yere of your graciouse reigne xxj,
and fro thens aiourned to Shrowesbury unto the quinizime of seint
Hillarie than next suyng, and there termined and endid: and alle other
statuts and ordinunces and stablisshmentis, sithen hiderto done and
made withouten ever to comon done, or procuren anything ther ageyne in
any maner to that ende, that thei shal mowen be put thurgh your
habundaunt grace out of al suspecion, and to ben holden as thei
desiren above al thing your true lieges, for the love of God, and in
the werke of charite. In witness of the which thing, and for the
things aboveseid, wele and truely to holde, kepe and observe, and
mayntene for al daies with al ther power, in manere as it is aboveseid
without ende to done or procure the contrarie, and to live and deie
your seid humble lieges, of whom ther names severally ben underwriton,
as wele for themself, as in the name of the residue of the same cite
to this supplicacion have set there sealis, that is to wite, we by the
grace of God archbisshop of Caunterbury primate of England,
|