ers disoient qe le Roi de France avoient envoiee
Grismoton q'estoit encelle compaignie p' lui faire asavoir c'teines
novelles de no' et de n're poair et si avoit le dit Roi p' mesmes le
cause envoie en autre p'tie le S^{r} de Creon Mons^{r} Busigaut le
Mareschal de Clermount et aut's et disoient les ditz p'soners qe le
dit Roi avoit p's certe in p'pos de combatre ovesq' nous a quele heure
nous estoioms s^{r} le chymyn env's Tours et encostoavit dev's Orliens
et lendemein la ou nous estoions loggiez aviens novelles qe les ditz
Sire de Creon et Busigaut estoient en un chastel bien p's de n're
loggiz et p'ismes p'pos de y aller et venismes loggier entour eux et
acordasmes d'assailler le dit lieu lequel estoit gayne p' force ou
estoient tout plein de lo'r gentz p's et mortz auxint les uns des
n'res y furent mortz mes les ditz Sires de Creon et Busigaut se
treerent en une fort Tour qil y avoit la quele se tenoit cynk jours
avant qelle feust gaignee et la se rendirent ils et illeosqes estoions
c'tifiez qe touz les pontz s^{r} leyre estoient debruses et qe nulle
p't purriens avoir passage s^{r} qei nous p'ismes n're chemyn tout
droit a Tours et la demourasmes devant la ville quatre iours deins
quelle estoient le Counte Dangeo et le Mareschal de Clermount od g'nt
poair des gentz. Et a n're dep'tir d'illeoqs no' p'ismes le chemyn p'
passer ascuns daung' des eawes et en entente davoir encountree ovesqe
n're tres ch' cosyn le ducs de Lancastre de qi no' aviens certeins
novelles qil se voillent afforcier de trere dev's nous a quelle heure
le Cardenal de Peregort vynt a nous a Monbezon a troiz lieues de Tours
ou il no' p'la tout plein des choses touchauntes trewes et pees s^{r}
quele p'lance no' lui fesoiens respounse qe la pees ne avient poair a
ffaire ne qe nous ent voloiens meller saunz le comaundement et le
volunte de n're tresch' S^{r} et piere le Roi ne de trewe nestoiens al
heure avisez qe se eust estee le meillo' p' no^{q} de y avoir acordee
car illeosqes estoiens non plus plenement c'tifiez qe le Roi se tailla
p' toutes voies de combatre ove nous si q' nous no' treismes dilleoqes
v's chastel Heraud sur le passage del eawe de la Vivane ou no'
desmourasmes quatre iors ettendauntz de savoir plus la c'tein de lui
le quel Roi vint od son poair a chaveny a cynk lues de nous p' passer
mesme lewe v's Poyters et s^{r} ceo p'ismes p'pos de hastier dev's lui
s^{r} le chemyn qil devereit passer p' estre combatuz ove lui mes ses
bataille