pentecosten inmediate post nonam erat terre motus magnus per totam
Angliam.

* * * * *

COPIA MAGNE TABULE IBIDEM PENDENTIS PER DICTAM TUMBAM DICTI ROGERI
NUPER EPISCOPI LONDON'.

[Sidenote: Etates mundi.]

In principio creavit Deus celum et terram et omnia que in eis sunt.
Sexto autem die a creacione mundi factus fuit prothoplasmus Adam.
[Sidenote: 1.]
Prima etas mundi ab Adam usque ad Noe secundum Ebreos continet Mille
sexcentos quinquaginta sex annos. secundum Septuaginta interpretes duo
Milia ducentos xl^{ta} iiij^{or} annos. Secundum vero Jeronimum non
plene duo Milia. Secundum Metodum duo Milia. cuius diuersitatis causa
est quia isti non computant secundum morem sacre scripture minucias
temporum vel annorum que super sunt Millenis atque Centenis annis. A
principio mundi vsque ad diluuium Noe duo Milia ducentos quinquaginta
[Sidenote: 2.]
sex annos. Secunda etas a Noe vsque ad Abraham continet secundum
septuaginta Interpretes Mille septuaginta duos annos. Secundum Ebreos
[Sidenote: 3.]
Mille Ducentos viginti duos annos. Tercia etas ab Abraham vsque ad
David continet secundum Ebreos octo centenos xl^{ta} duos annos.
Secundum autem septuaginta Interpretes multo minus quoniam deficiunt
[Sidenote: 4.]
in duobus annis. Quarta etas a David usque ad transmigracionem
Babilonis continet secundum Ebreos quatuor Centenos septuaginta tres
annos. Secundum septuaginta interpretes parum minus quia deficiunt in
[Sidenote: 5.]
vno anno. Quinta etas a transmigracione Babilonis vsque ad Christum
continet quinque Centenos octoginta quinque annos. Secundum alios
[Sidenote: 6.]
quinque Centenos nonaginta nouem annos. Sexta etas a Christo vsque ad
finem mundi. Anni ab Origine mundi vsque ad incarnacionem domini
nostri Jesu Christi quinque Milia nonaginta novem. Anni ab
incarnacione eiusdem vsque ad passionem suam triginta tres imperfecti.
Anni a creacione mundi vsque ad destruccionem Troie iiij m^{l} xxx
anni. A destruccione Troie vsque ad construccionem noue Troie que nunc
Londonia vocatur lxiiij^{or} anni. A construccione noue Troie ad
construccionem Romane vrbis ccclxxxx anni. Ab vrbe condita vsque
adventum Christi dccxv anni. Ab origine mundi iiij m^{l} lxxxxiiij
post destruccionem Troie videlicet anno M^{l} C^{mo} quinto ante
incarnacionem Christi. Brutus quidam nobilis de genere Troiano ortus
cum magna multitudine Troianorum per responsum dee Diane in insulam a
Gigantibus olim Albion vocat