grace of God quene of England, ladie of Ireland and
countes of Pountif, and we Edward, the eldist son of the kyng of
England, duke of Guyen, erle of Chestre, of Pontif and of
Mounstroille, to alle the comonialte of London senden gretyng.
Forasmoch as we have bifore this tyme sent to you by oure lettres how
we ben comen into this lande with good arreie and in good manere, for
the honor and profite of Holy Chirch, and of oure dere lord the kyng
and alle the realme, with alle oure myght and power to kepe and
mayntene, as we and alle the good folke of the seid realme are holden
to done, and upon that we praied you that ye wolde be helping to us in
as moche as ye shulde mowe in this quarell that is for the comon
profite of alle the realme, and we have had in thys time non answere
of the seid lettres, ne knowe not your wille in that partie: wherfore
we send to you ageyne, and charge you and praie that ye bere you so
ageins us that we have no cause to greve you, but that ye ben to us
helping by alle the weres that ye may or shalle conne and mowe. For
weteth wele in certein that we, and alle thoo that ben comen with us
into this realme, think not to doo, ne we shulle not done if it like
God, eny thing but that shal be for the comon profite of the realme,
but onely to distroie Hugh Spencer our enymy, and enymy to alle the
seid realme, as ye well knowe; wherfore we praie you, and charge you
in the feith that ye owe to oure lord the kyng and to us, and up alle
that ye shalle mowe forfeit ayens us, that if the said Hugh Spencer
oure enemy come withynne your power, that ye do hym oure wille, and
that ye leve not in no manner, as ye desire honour and profite of us
alle, and of alle the realme; and weteth of that ye done oure praier
and mandement, we shalle the more be holden to you, and also ye shalle
gete you worship and profite if ye send us hastely alle your wille.
Yeven at Baldok the vj^{te} day of Octobre."
NOTE L. page 54.
"In this yere Edward Bailolle, the son of John Bailolle sometyme kyng
of Scotland, came into England chalengyng his right heritage, that is
to sey, the kingdome of Scotland; with whome many grete lordes of
England went into Scotland, and at Domfrevelyn arrividden, where fast
by an abbeie ij m^{l} of Englisshemen discomfited xij m^{l} of
Scottes." &c.
NOTE M. page 58.
In the copy in the Cottonian MS. this event is said to have occurred
in the _fifteenth_ year of Edw. III.--"Also this same yere, t
|