es admirables_, t.
II, p. 915.]
Selon Paul Jove[1], "Le pape Adrian VI s'acheminant d'Espagne a Rome pour
son premier exploit voulut voir a Saragousse les os et reliques d'un
sainct: ce qui fit dire a plusieurs qu'Adrian mourroit bien tost. Il avint
alors aussi qu'une riche lampe de cristal, en l'eglise de ce sainct, se
brisa soudainement, dont toute l'huile fut versee sur Adrian et sur
quelques prestres autour de lui, dont leurs habillemens furent gastez.
Arrive a Rome, le palais ou il demeuroit fut embrase et consomme en un
instant. Il canoniza Benno, evesque aleman, et Antonin, archevesque de
Florence: mais il les suivit bientost et mourut apres icelles
canonizations, que l'on tient pour presages de mort prochaine aux papes qui
les font."
[Note 1: En sa _Vie d'Adrian VI_, cite par Goulart, _Thresor des
histoires admirables_, t. II, p. 945.]
D'apres Sabellic[1], Philebert de Chalon, prince d'Aurange, ayant assiege
Florence, entendit que secours venoit aux Florentins. Sur ce il resoud
d'aller au devant: et comme il vouloit monter a cheval, fait assembler
autour de lui les capitaines, et commande qu'on apporte des flaccons et des
tasses, les faisant emplir de vin, afin que tous beussent par ensemble.
Comme les uns et les autres estoient prests a boyre, voici une pluye
impetueuse et soudaine, le ciel estant fort serein auparavant, laquelle
arrouse abondamment le prince et ses capitaines, qui beuvoyent en pleine
campagne. Incontinent chacun dit son avis de ceste avanture. Le prince
rioit a gorge desployee: A ce que je voy, dit-il, compagnons, nous ne
parlerons que bien trempez a nos ennemis, puisque Dieu a voulu si
benignement verser de l'eau en nostre vin. Ce furent ses derniers propos:
car tost apres ayant charge et rompu ce secours il fut au combat transperce
d'un boulet, dont il mourut."
[Note 1: Supplement au XIIIe livre, cite par Goulart, _Thresor des
histoires admirables_, t. II, p. 943.]
Joach. Camerarius[1] et Abr. Bucolcer[2], racontent ce qui suit selon
Goulart[3]: "Guillaume Nesenus, personnage excellent en scavoir et crainte
de Dieu, s'estant jette dedans une barque de pescheur en temps d'este, pour
traverser l'Elbe, riviere qui passe a Witeberg en Saxe, comme c'estoit sa
coustume de s'esbatre quelques fois a passer ainsi ceste riviere, et
conduire lui-mesme sa barque, alla heurter alors contre un tronc d'arbre
cache dedans l'eau, qui renversa la barque, et Nesenus au fond dont i
|