And they lay'd him on the green!
_They have, &c._

2.
Now wae be to thee, Huntly,
And wherefore did you sae?
I bade you bring him wi' you,
But forbade you him to slay.
_I bade, &c._

3.
He was a braw gallant,
And he rid at the ring;
And the bonny Earl of Murray,
Oh! he might have been a King.
_And the, &c._

4.
He was a braw gallant,
And he play'd at the ba';
And the bonny Earl of Murray
Was the flower amang them a'.
_And the, &c._

5.
He was a braw gallant,
And he play'd at the glove;
And the bonny Earl of Murray,
Oh! he was the Queen's love.
_And the, &c._

6.
Oh! lang will his lady
Look o'er the castle Down,
E'er she see the Earl of Murray
Come sounding thro' the town.
_E'er she, &c._

[Annotations:
3.2: A game of skill and horsemanship.
5.2: Probably like the last.
6.3: 'E'er' = ere.]

BONNIE GEORGE CAMPBELL

+The Text+ is from Motherwell's _Minstrelsy_, pp. 44-5.

+The Story.+--Motherwell says it 'is probably a lament for one of the
adherents of the house of Argyle, who fell in the battle of Glenlivat,
stricken on Thursday, the third day of October, 1594 years.' Another
suggestion is that it refers to a Campbell of Calder killed in a feud
with Campbell of Ardkinglas, the murder being the result of the same
conspiracy which brought the Bonny Earl of Murray to his death. Another
version of the ballad, however, gives the name as James, and it is
useless and unnecessary to particularise.

BONNIE GEORGE CAMPBELL

1.
Hie upon Hielands
And low upon Tay,
Bonnie George Campbell
Rade out on a day.
Saddled and bridled
And gallant rade he;
Hame came his gude horse,
But never cam he!

2.
Out cam his auld mither
Greeting fu' sair,
And out cam his bonnie bride
Rivin' her hair.
Saddled and bridled
And booted rade he;
Toom hame cam the saddle,
But never cam he!

3.
'My meadow lies green,
And my corn is unshorn;
My barn is to big,
And my babie's unborn.'
Saddled and bridled
And booted rade he;
Toom hame cam the saddle,
But never cam he!

[Annotations:
2.4: 'rivin',' tearing.
2.7: 'Toom,' empty.
3.3: 'is to big,' remains to be built.]

THE LAMENT OF THE BORDER WIDOW

+The Text+ is given from Scott's _Minstrelsy_ (1803), vol