f the west of Scotland; and has compiled
some useful elementary works for the use of Sabbath-schools. His lyrics
are uniformly pervaded by graceful simplicity, and the chief themes of
his inspiration are love and patriotism. Than his song entitled "My Ain
Wife," we do not know a lay more beautifully simple. His "Hopeless
Exile" is the perfection of tenderness.
AE HAPPY HOUR.
AIR--_"The Cock Laird."_
The dark gray o' gloamin',
The lone leafy shaw,
The coo o' the cushat,
The scent o' the haw;
The brae o' the burnie,
A' bloomin' in flower,
An' twa' faithfu' lovers,
Make ae happy hour.
A kind winsome wifie,
A clean canty hame,
An' smilin' sweet babies
To lisp the dear name;
Wi' plenty o' labour,
An' health to endure,
Make time to row round aye
The ae happy hour.
Ye lost to affection,
Whom avarice can move
To woo an' to marry
For a' thing but love;
Awa' wi' your sorrows,
Awa' wi' your store,
Ye ken na the pleasure
O' ae happy hour.
LASS, GIN YE WAD LO'E ME.
AIR--_"Lass, gin I come near you."_
"Lass, gin ye wad lo'e me,
Lass, gin ye wad lo'e me,
Ye'se be ladye o' my ha',
Lass, gin ye wad lo'e me.
A canty but, a cosie ben,
Weel plenish'd ye may trow me;
A brisk, a blithe, a kind gudeman--
Lass, gin ye wad lo'e me!"
"Walth, there 's little doubt ye ha'e,
An' bidin' bein an' easy;
But brisk an' blithe ye canna be,
An' you sae auld an' crazy.
Wad marriage mak' you young again?
Wad woman's love renew you?
Awa', ye silly doitet man,
I canna, winna lo'e you!"
"Witless hizzie, e'en 's you like,
The ne'er a doit I 'm carin';
But men maun be the first to speak,
An' wanters maun be speerin'.
Yet, lassie, I ha'e lo'ed you lang,
An' now I'm come to woo you;
I 'm no sae auld as clashes gang,
I think you 'd better lo'e me."
"Doitet bodie! auld or young,
Ye needna langer tarry,
Gin ane be loutin' o'er a rung,
He 's no for me to marry.
Gae hame an' ance bethink yoursel'
How ye wad come to woo me,
An' mind me i' your latter-will,
Bodie, gin ye lo'e me!"
LASS OF LOGIE.
AIR--_"Lass of Arranteenie."_
I 've seen the smiling summer flower
Amang the braes of Yarrow;
I 've heard
|