ung heart's luve! twal' years ha'e been
A century to me;
I ha'e na seen thy smile, nor heard
Thy voice's melodie.
The mony hardships I ha'e tholed
Sin' I left Larocklea,
I maun na tell, for it would bring
The saut tear in thine e'e.

But I ha'e news, an' happy news,
To tell unto my love--
What I ha'e won, to me mair dear
That it my heart can prove.
Its thochts unchanged, still it is true,
An' surely sae is thine;
Thou never, never canst forget
That twa waur ane langsyne.

The simmer sun blinks on the tarn,
An' on the primrose brae,
Where we, in days o' innocence,
Waur wont to daff an' play;
An' I amang the mossy springs
Wade for the hinny blooms--
To thee the rush tiara wove,
Bedeck'd wi' lily plumes.

When on the ferny knowe we sat,
A happy, happy pair--
Thy comely cheek laid on my knee,
I plaited thy gowden hair.
Oh! then I felt the holiest thocht
That e'er enter'd my mind--
It, Mary, was to be to thee
For ever true an' kind.

Though fair the flowers that bloom around
My dwallin' owre the sea--
Though bricht the streams, an' green the bowers,
They are na _sae_ to me.
I hear the bulbul's mellow leed
Upo' the gorgeous paum--
The sweet cheep o' the feather'd bee
Amang the fields o' baum.

But there are nae auld Scotland's burds,
Sae dear to childhood's days--
The laverock, lintie, shulf, an' yyoite,
That taught us luve's sweet lays.
Gin' thou e'er wauk'st alane to think
On him that's owre the sea,
Their cheerfu' saft luve-lilts will tell
My heart's luve-thochts to thee.

Lat joy be in thy leal, true heart,
An' bricht smile in thine e'e--
The bonnie bark is in the bay,
I 'm coming hame to thee;
I 'm coming hame to thee, Mary,
Wi' mony a pearl fine,
An' I will lay them in thy lap,
For the kiss o' sweet langsyne.

THOMAS LYLE.

Thomas Lyle, author of the highly popular song, "Kelvin Grove," is a
native of Paisley. Attending the philosophical and medical classes in
the University of Glasgow, he obtained the diploma of surgeon in the
year 1816. He commenced medical practice in Glasgow, where he remained
till 1826, when he removed to the parish of Airth in Stirlingshire. The
latter locality afforded him abundant opp