from thee.
Other eyes might beam as bright,
And other cheeks as rosy be;
Other arms as pure and white,
And other lips as sweet to pree;
But ruddy lips, or beaming eyes,
However fond and fair to see,
I could not, would not love or prize
Apart, my love, apart from thee.
Other friendships I have known,
Friendships dear, and pure, and kind;
Liking soon to friendship grown,
Love is friendship's ore refined.
Oh, what is life, with love denied?
A scentless flower, a leafless tree;
My song with love,--my love with pride,
Are full,--my love, are full of thee.
MY BONNIE WEE WIFIE.
My bonnie wee wifie, I 'm waefu' to leave thee,
To leave thee sae lanely, and far frae me;
Come night and come morning, I 'll soon be returning;
Then, oh, my dear wifie, how happy we 'll be!
Oh, cauld is the night, and the way dreigh and dreary,
The snaw 's drifting blindly o'er moorland an' lea;
All nature looks eerie. How can she be cheery,
Since weel she maun ken I am parted frae thee?
Oh, wae is the lammie, that 's lost its dear mammy,
An' waefu' the bird that sits chirping alane;
The plaints they are making, their wee bit hearts breaking,
Are throbbings o' pleasure compared wi' my pain.
The sun to the simmer, the bark to the timmer,
The sense to the soul, an' the light to the e'e,
The bud to the blossom, sae thou 'rt to my bosom;
Oh, wae 's my heart, wifie, when parted frae thee.
There 's nae guid availing in weeping or wailing,
Should friendship be failing wi' fortune's decay;
Love in our hearts glowing, its riches bestowing,
Bequeaths us a treasure life takes not away.
Let nae anxious feeling creep o'er thy heart, stealing
The bloom frae thy cheek when thou 'rt thinking of me;
Come night and come morning, I 'll then be returning;
Nae mair, cozie wifie, we parted shall be.
THE BONNIE BIRD.
Oh, where snared ye that bonnie, bonnie bird?
Oh, where wiled ye that winsome fairy?
I fear me it was where nae truth was heard,
And far frae the shrine o' guid St Mary.
I didna snare the bonnie, bonnie bird,
Nor try ony wiles wi' the winsome fairy,
But won her young heart where the angels heard,
In the bowery glen of Inverary.
And what want ye wi' sic a bonnie bird?
|