the hill,
That sweetly ringeth when all is still?
Hark! hark!
Oh, sweeter than lark,
Is the nightingale's song of sorrow,
Of sorrow;
But pleasure will come to-morrow.
FOOTNOTES:
[3] One of the stanzas of this song is the composition of the late Mary
Russell Mitford and appears in her tale of Atherton. The other stanza
was composed by Mr Bennoch, at the urgent request of his much loved
friend.
OH, WAE'S MY LIFE.
Oh, wae's my life, and sad my heart,
The saut tears fill my e'e, Willie,
Nae hope can bloom this side the tomb,
Since ye hae gane frae me, Willie.
O' warl's gear I couldna' boast,
But now I'm poor indeed, Willie;
The last fond hope I leant upon,
Has fail'd me in my need, Willie.
For wealth or fame ye've left your Jean,
Forgat your plighted vow, Willie;
Can honours proud dispel the cloud,
That darkens on your brow, Willie?
Oh, was I then a thing sae mean,
For nought but beauty prized, Willie;
Caress'd a'e day, then flung away,
A fading flower despised, Willie?
Sin' love has fled, and hope is dead,
Soon my poor heart maun break, Willie;
As your ain life, oh, guard your wife--
I 'll love her for your sake, Willie.
Through my despair, oh, mony a prayer,
Will rise for her and ye, Willie;
That ye may prove to her, in love,
Mair faithfu' than to me, Willie.
HEY, MY BONNIE WEE LASSIE.
Hey, my bonnie wee lassie,
Blythe and cheerie wee lassie,
Will ye wed a canty carle,
Bonnie, bonnie wee lassie?
I ha'e sheep, an' I ha'e kye,
I ha'e wheat, an' I ha'e rye,
An' heaps o' siller, lass, forbye,
That ye shall spen' wi' me, lassie!
Hey, my bonnie wee lassie,
Blythe and cheerie wee lassie,
Will ye wed a canty carle,
Bonnie, bonnie wee lassie?
Ye shall dress in damask fine,
My goud and gear shall a' be thine,
And I to ye be ever kin'.
Say,--will ye marry me, lassie?
Hey, my bonnie wee lassie,
Blythe and cheerie wee lassie,
Will ye wed a canty carle,
Bonnie, smiling wee lassie?
Gae hame, auld man, an' darn your hose,
Fill up your lanky sides wi' brose,
An' at the ingle warm your nose;
But come na courtin' me, carle.
Oh, ye tottering
|