nilang calahatan
sila'y nacaisip pasaclolong tunay
sa cay P. Burgos at paquiusapan,
n~g sa pagcapiit macalabas lamang.

Gayon din ang tanang man~ga Presbitero
na pauang linupig man~ga fraileng ito
sampuo niyaong ibang man~ga filipino,
cay P. Burgos din ay napasaclolo.

Sa nangyaring ito itong ating Burgos
hindi nagmalaqui't pinaquingang lubos,
ang sa tanang Fraile at man~ga tagalog
man~ga paquiusap sa gayong inabot.

Siya n~ga'y naggugol lubos nagcagasta
na hindi sinin~gil capaguran niya,
sa fraile't tagalog n~g macamtan nila
ang pagcacauala sa carcel n~g dusa.

Itong si Fray Galan recoletong hirang
si Fray Ariaga franciscano naman
at si Fray Cornejo Domenicong tunay:
si Padre Burgos n~ga siyang nagsangalang.

Sila'y napabalic at cusang nagcura
sa bayang tagalog dating lagay nila
at ang ari nila na enembago baga
ay cusang nagbalic na caracaraca.

Sa panahong ito lubos nagcaroon din
n~g isang sumbong n~ga taga S. Rafael
sacop n~g Bulacan mula baga't dahil
sa canilang cura na nag-asal suail.

Caya ang guinaua dagling pinatauag
ni Padre Burgos n~ga't inaralang cagyat
na sa uli't uli ang guinauang lahat
huag n~g gagauin sapagca't di tapat.

Ito hindi iba ay si Fray Antonio
Piernavieja n~gani bunying agustino
totoong nasinsay, cusang umabuso
sa ipinag-uutos n~g Eclesiastico.

Macaraan ito ay hindi naluatan
sa Corte n~g Madrid may isang lumitao
diariong casang-ayon n~g catagalugan
"Eco Filipino" ang siyang pan~galan.

Dito n~ga si Burgos ay cusang tumulong
naggugol n~g yaman at sampuo n~g dunong
upan n~g lumauig at cusang yumabong
magcaroon n~g madla na m~ga suscritor.

Nagtayo rin naman isang capisanan
dito sa Maynila sa nagpapaaral
sa reinong Espana filipinong tanan
ibig na dumunong lahat ay malaman.

Caya sa dalauang Regidor na tiquis
nangyaring lumagda n~g usiguing pilit
tanang filipinos may dunong sa Madrid
magcamit titulo't condecoraciones.

At gayon din naman ang catagalugan
cusang natatan~gi't may in~gat na yaman
nagcaron nang uagas bunying catungculan
sa lahat nang pooc nang sangcapuluan.

Saca isinunod na caniyang inusig
yaong pagcucura nang fraileng balauis
sa bayang tagalog sila'y mapaalis
at pauang clerigo ang siyang mapalit.

Dito pinasunod utos sa "Concilio
ni Trento" ang tauag at biling totoo
marapat na sundin nang sim