quim.

Ipinagpilitan ang nan~gulo dito
ang bunying si Burgos sa nangyaring gulo
caya ang marapat baguhing totoo
ang sa diligenciang guinaua nang daco.

Caya sa pagdin~gig at cusang pagtitig
niyong si Izquierdo sa salaping tiquis
yaong diligencia ay binagong pilit
sinunod ang nasa nang fraileng balauis.

Dito na lumabas nang ito'y mabago
caya nan~gag-alsa man~ga filipino
sa lalauigang Tan~guay ang nasang totoo
maguing Republica ang lupaing ito.

At cusang nahalal Presidenteng lubos
ang ating marunong na si Dr. Burgos
at ang man~ga hayag na m~ga Ministros
ay ang natatala dito ay casunod.

Si Pardo Tavera siyang sa Estado
sa Hacienda naman ay si Paraiso
si A. Regidor siyang sa Gobierno
si Maria Basa nama'y siyang sa Fomento.

At si Maurante siyang sa Marina
at si Mauricio siyang sa de Guerra
marami pang iba dito ay nasama
cusang idinamay binigyan nang sala.

Caya n~ga pagdaca ang lahat nang ito
sa lacas nang cuarta ay pauang napreso
ang abang catuiran nalugmoc na rito
sa abang candun~gan nang dusang totoo.

Bucod pa sa rito ay pauang nadamay
sina Padre Lara, Sevilla at Dandan,
Rosario, Guevarra, Hilario del Pilar,
Tuason, Desiderio tagalog na tanan.

Saca sina Sanchez, Leon at Carrillo,
Enriquez at Serra, Maximo Paterno
ay pauang natapon cusang dinestierro
sa iba't iba n~gang bahagui nang Mundo.

Natan~gi n~ga lamang sina Padre Burgos,
Gomez at Zamora at si Zalduang puspos
ang hindi natapon at cusang nasunod
sa nan~ga destierrong balot nang himutoc.

Palibhasa disin sa salaping lacas
sa diligencia n~ga pilit na lumabas
ang apat na ito sa castillong cagyat
sila ay mapasoc na cusang maghirap.

Madali't salita ay hindi nagdaan
yaong isang buan apat na tinuran
sa sadyang _Consejo de Guerra_ ang n~galan
sila'y ipinasoc nang pinunong tanan.

Lahat nang matouid ni na Padre Burgos,
Gomez at Zamora ay pauang naayop
nang lacas at bisa nang salaping handog
niyong man~ga fraileng asal ay balaquiot.

Ang Consejong ito nang cusang minulan
icadalauang puo't anim yaong bilang
nang buang Febrero hapon yaong lagay
nang panahong lubos na lubhang mapanglao.

Baquit ang nahalal Presidenteng tiquis
sa gayong Consejo ang sacdal nang lupit
Coronel nang hocbo, ang n~galan at sambit
Francisco Moscoso na ualang cauan~gis.

Fiscal instructor si Manuel Boscasa