Comandante naman catungculan niya
na isa sa man~ga caututan baga
nang dila nang fraileng man~ga palamara.

A las cuatro n~gani nang ito'y minulan,
si Padre Burgos n~ga ang una sa tanan
saca isinunod si Zamorang hirang
at saca si Gomez na casamang tunay.

Anopa't ang lahat na man~ga defensor
ay ualang nagaua sa Consejong yaon
palibhasa disin caalam nang pusong
na fraileng sucaban caya-napagayon.

Pagca't ang lumabas o hatol na tunay
ang _Pena de Muerte_ ang siyang cacamtan
nang apat na ito sa pagcacadamay
na parang namuno sa gulong nagdaan.

Ang hatol na ito matanto ni Burgos
ay cusang tumugon sa Consejong bantog
siya'y di papayag sa defensang lubos
nang caniyang defensor sa fraileng caumpoc.

Pagca't aniya siya'y hindi umaamin
na siyang namuno sa bintang na tambing
caya't ang tutol niya sa tanang casalio
siya'y ualang malay niyaong pagtatacsil.

Ang bagay na ito di rin pinaquingan
nang tanang doroon cay Burgos na saysay
palibhasa n~gani sila'y binayaran
niyong man~ga fraileng higuit sa halimao.

Uala ring nangyari cundi ang maghari
sa canilang dibdib ang masamang budhi
na maipapatay si Burgos na bunyi
at pati nang tatlo na casamang tan~gi.

Caya n~ga't ang hatol n~g Consejong hirang
apat na may sala alisan nang buhay
dalhin sa Capilla doon ay ilagay
hangang may panahon macapan~gumpisal.

Sumunod na arao nang pagca-umaga
ang plaza de armas pinatanuran na
isang regimiento hocbong infanteria
saca ang escuadron niyaong caballeria.

Caramihang tauo ang siyang casunod
na pauang nagtaglay n~g muc-hang malungcot
sa pagcacaaba nang palad na capos
niyaong tatlong paring bibitaying lubos.

Si padre Burgos n~ga siyang unang una
at si padre Gomez at padre Zamora
pauang ualang malay sa atang na sala
saca ang dinayang Francisco Zaldua.

Ang apat na ito't pauang filipinos
sa bayang tinubua'y maalam umirog
lalong lalo na n~ga ang daquilang Burgos
na anac na tunay tubo sa Ilocos.

Si padre Zamora tagalog na tunay
at tubong Maynila sa dacong Pandacan
na naguing Rector n~ga't Cura sa Catedral
niyaong nacaraang panahon at arao.

Si P. Gomez naman ay tauong Sta. Cruz
sacop nang Maynila sa diquit ay puspos
sa lahing mabuti nagbuhat na lubos
ang ama at ina mabuti ang loob.

Sa gremiong Mestizo nang m~ga Sangleyes
siyang nasasacop cusang natititic
pagca'