m.

Caya pa n~ga ito nang maalamang lubos
nang m~ga clerigong nasabi cong puspos
suot lalaqui na sa bay-uang may sucsoc
nang isang magara't mainam na guloc.

Ang bagay na ito dapat n~gang pagmasdan
at tularan sana nang babayeng tanan
man~ga filipinang aquing cababayan
marunong umibig sa tinubuang bayan.

Ang bagay na ito ay iiuan co na
at ang sasabihin madaling umaga
nang arao nang saquit binatbat nang dusa
ang apat n~gang ito bibitaing sadya.

Ito't hindi iba di dapat limutin
mapanglao na arao na calaguim-laguim
dalauang puo't ualo ang bilang na tambing
nang Febrerong buan sa sabi at turing.

Nang mag a las seis ang lahat n~g caual
nang man~ga castila cusang pinatahan
sa Santa Lucia n~ga at sa Bagumbayan
na pauang barilan at may canong taglay.

Saca sa muralla nang Fuerza Santiago
ang hocbong castilang man~ga artillero
pauang naca-abang sa maguiguing gulo
na nababalita sa panahong ito.

Nang cusang sumapit a las sieteng oras
yaong bibitayang binacod na cagyat
nang man~ga sundalo na dala't aquibat
nang Segundo Cabo Espinar na hayag.

Bitayang nasabi itinayong tunay
doon sa Espaldon pooc na malumbay
at may sampuong metro yaong cataasan
sa lupang tuntun~gan sa sabi at saysay.

Ang tugtog nang tambor at m~ga corneta
dito na minulan na hinipan baga
casabay ang ayos nang man~ga musica
sa tinig nang marcha ang pagcacabadya.

Dito na quinuha ang na sa Capilla
apat na taan na namamatay baga,
ang man~ga sundalo nagbihis de gala
saca n~ga barilan na may bayoneta.

Casama sa lacad ang m~ga Cofradia
nang Misericordia na caacbay baga
tanang Comunidad nang Religion Santa
nang Poong si Cristong sumacop sa sala.

Si Miguel Zaldua ang una sa lahat
cusang inalacad balot niyaong posas
isang Franciscano at Recoletong cagyat
siyang caagapay na cumacausap.

Saca ang casunod yaong isang lupong
sari-saring orden nang fraileng pulutong
dalauang Jesuita na capulong-pulong
ni Padre Zamora na nagcura Rector.

Isang Agustino at Recoleto naman
ang siyang casunod cusang umaacbay
sa cay Padre Gomez na nagcura naman
at Examinador Vicario sa Tan~guay.

Cahuli-hulihan ay si padre Burgos
na ina-acbayan nang dalauang puspos
na m~ga Jesuitang natauag sa Dios
na nananalan~gin nang lubhang tibobos.

Baua't isa n~gani sa apat na ito
ay binabantayan apat na sundalo