[a]ch wunsche var,
von fuo[z]e [u]f gew[a]pent gar. 110
der knappe w[a]nde sunder spot,
da[z] iesl[i]cher w[ae]re ein got.
d[o] stuont ouch er niht langer hie,
in'[z] phat viel er [u]f s[i]niu knie.
l[u]te rief der knappe s[a]n 115
'hilf, got: du maht wol helfe h[a]n.'
der vorder zornes sich bewac,
d[o] der knappe im phade lac:
'dirre t[oe]rsche W[a]leise
unsich wendet g[a]her reise.' 120
ein pr[i]s den wir Beier tragen,
muo[z] ich von W[a]leisen sagen:
die sint t[oe]rscher denne beiersch her,
und doch b[i] manl[i]cher wer.
swer in den zwein landen wirt, 125
gefuoge ein wunder an im birt.
D[o] kom geleischieret
und wol gezimieret
ein r[i]ter, dem was harte g[a]ch.
er reit in str[i]tecl[i]chen n[a]ch, 130
die verre w[a]ren von im komen:
zw[e]n' r[i]ter heten im genomen
ein' frouwen in s[i]m' lande,
den helt e[z] d[u]hte schande:
in m[u:]et[e.] der juncfrouwen leit, 135
diu j[ae]merl[i]che vor in reit.
dise dr[i] w[a]ren s[i]ne man.
er reit ein sch[oe]ne kastel[a]n:
s[i]ns schildes was vil w[e]nic ganz.
er hie[z] Karnahkarnanz 140
leh cons Ulterlec.
er sprach 'wer irret uns den wec?'
sus fuor er zuome knappen s[a]n.
den d[u]hte er als ein got get[a]n:
er'n het' [e] s[o] liehtes niht erkant. 145
[u]f[e.]m towe der w[a]penroc erwant.
mit guld[i]n schellen kleine
vor ietwederem beine
w[a]rn die stegreife erklenget
unt ze rehter m[a][z]e erlenget. 150
s[i]n zeswer arm von schellen klanc,
swar er'n b[o]t oder swanc.
der was durch swertslege s[o] hel:
der helt was gein pr[i]se snel.
sus fuor der f[u:]rste r[i]che, 155
gezimiert w[u:]nnecl[i]che.
Aller manne sch[oe]ne ein bluomen kranz,
den vr[a]gte Karnahkarnanz
'junch[e]rre, s[a]ht ir f[u:]r iuch varen
zw[e]n' r[i]ter die sich niht bewaren 160
kunnen an r[i]terl[i]cher zunft?
sie ringent mit der n[o]tnunft
und sint an werdekeit verzaget:
sie f[u:]erent roubes eine maget.'
der knappe w[a]nde, swa[z] er sprach, 165
e[z] w[ae]re got, als ime verjach
frou Herzeloyd' diu k[u:]neg[i]n,
do s'im underschiet den liehten sch[i]n.
d[o] rief er l[u]te sunder spot
'nu hilf mir, helfe r[
|