liehten l[i]be tragen.
wirt er geroufet unt geslagen,
s[o] kumet er mir her wider wol.'
[o]w[e] der j[ae]merl[i]chen dol!
diu frouwe nam ein sactuoch: 295
sie sneit im hemede unde bruoch,
da[z] doch an eime st[u:]cke erschein,
unz enmitten an s[i]n blanke[z] bein.
da[z] wart f[u:]r t[o]ren kleit erkant.
ein gugel man obene dr[u]fe vant. 300
al frisch r[u]ch kelber[i]n
von einer h[u]t zwei ribbal[i]n
n[a]ch s[i]nen beinen wart gesniten.
d[a] wart gr[o][z] j[a]mer niht vermiten.
diu k[u:]neg[i]n was als[o] bed[a]ht, 305
sie bat bel[i]ben in die naht.
'dun[e.] solt niht hinnen k[e]ren,
ich wil dich list [e] l[e]ren.
an ungebanten str[a][z]en
soltu tunkel f[u:]rte l[a][z]en: 310
die s[i]hte unde l[u]ter s[i]n,
d[a] solte al balde r[i]ten [i]n.
du solt dich site nieten,
der werelde gr[u:]e[z]en bieten.
ob dich ein gr[a] w[i]se man 315
zuht wil l[e]rn als er wol kan,
dem soltu gerne volgen,
und wis im niht erbolgen.
sun, l[a] dir bevolhen s[i]n,
swa du guotes w[i]bes vingerl[i]n 320
m[u:]gest erwerben unt ir gruo[z],
da[z] nim: e[z] tuot dir kumbers buo[z].
du solt z'ir kusse g[a]hen
und ir l[i]p vast' umbev[a]hen:
da[z] g[i]t gel[u:]cke und h[o]hen muot, 325
op sie kiusche ist unde guot.
du solt och wi[zz]en, sun m[i]n,
der stolze k[u:]ene L[a:]hel[i]n
d[i]nen f[u:]rsten abe ervaht zwei lant,
diu sollen dienen d[i]ner hant, 330
W[a]leis und Norg[a]ls.
ein d[i]n f[u:]rste Turkentals
den t[o]t von s[i]ner hende enphienc:
d[i]n volc er sluoc unde vienc.'
'diz riche ich, muoter, ruocht es got: 335
in verwundet noch m[i]n gabyl[o]t.'
Des morgens d[o] der tag erschein,
der knappe balde wart enein,
im was gein Art[u]se g[a]ch.
frou Herzeloyde in kuste und lief im n[a]ch. 340
der werelde riuwe ald[a] geschach.
d[o] sie ir sun niht langer sach
(der reit enwec: wem'st deste ba[z]?),
d[o] viel diu frouwe valsches la[z]
[u]f die erde, ald[a] sie j[a]mer sneit 345
d[o] da[z] se ein sterben niht vermeit.
ir vil getriul[i]cher t[o]t
der frouwen wert' die hellen[o]t.
[o]wol sie da[z] se ie muoter wart!
sus fuor die l[o]nes bernden vart 350
ein wurzel der g[u:]ete
un
|