erent du Sabath comme y estoyent alles.

Que seconde fois fut au Sabath, apres que la vielle _Collette_ l'eut
este querir et qu'elle se fist oindre d'onguent cy dessus;--declare
qu'a l'entree du Sabath eut dereschef copulation avec le Diable, et
dansa avec luy; appres avoir danse, a sa solicitation de prolonger le
temps, se donna a luy pour trois ans; qu'au Sabath le Diable faisoit
evocation des Sorciers et Sorcieres par ordre (se souvient tresbien y
avoir ouy le Diable appeller la vielle _Collette_, la premiere, en ces
termes: _Madame la Vielle Becquette_); puis la _Fallaise_; appres la
_Hardie_. Item, _Marie_, femme de _Massy_, fille de la dite
_Collette_. Dit appres eux, elle mesme estoit evosquee par le Diable,
en ses termes: _La Petite Becquette_; qu'elle y a ouy aussy evosquer
_Collas Becquet_, fils de la dit vielle (lequell la tenoit par la main
en dansant, et une que ne cognoist la tenoit par l'autre main): qu'il
y en avoit viron six autres que ne cognoissoit: que la dite vielle
estoit tousjours proche du Diable: que quelque fois tandis que les uns
dansoyent les autres avoyent copulation avec les Diables en forme de
chien: et estoyent au Sabath viron trois ou quatre heures, non plus.

Qu'estant au Sabath le Diable la mercha en haut de la cuisse: laquelle
merche ayant este reuisitee par les sage femmes, ont raporte avoir mis
dedans une petite espingue bien avant, qu'elle n'a point senty, et
n'en est sorty aulcuns sang; ne scait par ou le Diable a merche les
autres: que les premiers venues au lieu du Sabath attendoyent les
autres; et apparoissoyent tous les Sorciers et Sorcieres en leur
propre formes: toutesfois noircis et defficgures, et ne les pouvoit en
cognoistre.

Que le Diable apparoissoit quelque fois en forme de boucq au Sabath;
ne la veu en autres formes; qu'au departir, ill se faisoit baiser la
derriere, leur demandant quant reviendroyent: les exhortoit qu'eussent
a adherer tousiours a luy: et faire des maux, et pour cest effet leur
bailloit certaines pouldres noires envelopees dans ung drapeau, pour
en ietter sur ceux qu'ils vouloyent ensorcerer: qu'au departir du
Sabath le Diable s'en alloit d'un coste et eux de l'autre: appres les
avoir toutes prinses par la main: Qu'a l'instigation du Diable elle en
a jette sur plusieurs personnes et bestes: notament sur _Jean Jehan_,
lors qu'il vint chez elle querir ung pourceau. Item, sur l'enfant
_James Gallienne_, et sur aultres: Item, sur les bestes de _Brouar