CONTRE COLLAS BECQUET.
_Le xvij Mai 1617._
_Susanne Le Tellier_, veufve de _Pierre Rougier_, depose que son mary
estant decede, trouva des sorcerots en son lict; et qu'en son djt lict
mortuaire, il se plaignoit este ensorcele par _Collas Becquet_, avec
lequel avoit eu dispute, sur laquelle dispute luy dyt que s'en
repentiroit; et la dessus fut prins de m...[A] duquel fut douze jours
malade; qu'ils trouverent quarante-quatre sorcerots en l'oreiller de
son enfant, que les uns estoyent fait comme herissons, les autres
comme pommes, et les autres plats comme la rouelle de la main; et du
fill de chanvre entortille avec de plumes.
[Footnote A: Illegible in the record.]
_Susanne_, femme de _Jean Le Messurier_, depose que son mary et
_Collas Becquet_ plaiderent a jour passe ensemble; qu'allors ils
avoyent ung enfant ayant de viron six semaines, et comme elle le
despouilloit au soir, pour le coucher, il tomba sur l'estomac du djt
enfant une beste noire laquelle fondit si tost que fut tombee,
d'aultant qu'elle fist debvoir de la rechercher et ne peut jamais
apercevoir qu'elle devint; incontinent l'enfant fut prins de mal et ne
voulu teter, mais fut fort tormente; que s'estant avisee de regarder
dans l'oreiller du djt enfant y trouverent des sorcerots cousus de
fil, et les ayant tires et bien espluche la plume de l'oreiller, y
regarda sept jours appres et y entrouva derechef avec une febve noire
percee; dequoy, ayant le djt _Becquet_ ouy qu'il en estoit suspecte,
sa femme vint ches la deposante comme le djt _Becquet_ estoit a la
mer, et luy djt qu'a raison du bruit que la deposante avoit sucite sur
son mary, iceluy _Becquet_ fuetteroit le djt _Mesurier_, son mary, et
elle, et les tueroit; qu'apres cela la deposante fut ches eux leur
dire que ne les craignoit, ny luy ny elle, de ce qu'ils la menacoyent
de tuer son mary et elle; qu'ayant la deposante un jour six grands
poulets qui couroyent appres leur mere, ils sortirent de leur maison
et revinent au soir; et un a un se mirent a saulter en hault contre la
cheminee et manget la scie, qu'ils moururent tous un a un, a voy
...[B] comme ils sautoyent, jusques au dernier qui dura en vie jusqu'a
une heure devant le jour qu'il mourut; que depuis que l'eurent declare
a _Mr Deljsle_ et les eut menaces, il a amende a son enfant et se
porte bien.
[Footnote B: Illegible in the record.]
_Collas Rougier_ depose que son frere _Piere Rougier_ en mourant
chargeoit _Collas Becquet_ de s
|