s,
Seu Verum e fictis juvet extricare libellis,
Historica et tenebris reddere lumen ope,
Aspice conspicuo laetentur ut omnia coelo,
Et referent nitidum solque jubarque diem!
Centauri, Lapithaeque, et Tantalus, atque Prometheus,
Et Nephele, veluti nube soluta sua,--
Hi pereunt omnes; alterque laboribus ipse
Conficis Alcides Hercule majus opus.
Tendis in hostilem soli tibi fisus arenam?
Excutis haeretici verba minuta Sophi[2]?
Accipit aeternam vis profligata repulsam,
Fractaque sunt valida tela minaeque manu.
Cui Melite non nota tua est? atque impare nisu
Conjunctum a criticis Euro Aquilonis iter?
Argo quis dubitat? quis Delta in divite nescit
Qua sit Joesephi fratribus aucta domus?
Monstra quot AEgypti perhibes! quaeque Ira Jehovae!
Quam proprie in falsos arma parata deos!
Dum foedis squalet Nilus cum foetibus amnis,
Et necis est auctor queis modo numen erat.
Immeritos Danaum casus, Priamique dolemus
Funera, nec vel adhuc ossa quieta, senis?
Fata Melesigensae querimur, mentitaque facta
Hectoris incertas ad Simoentis aquas?
Eruis haec veteris scabra e rubigine famae,
Dasque operis vati jusque decusque sui,
Magna tuis affers monumentaque clara triumphis,
Cum Troja aeternum quod tibi nomen erit!
Ah! ne te extrema cesset coluisse senecta,
(Aspicere heu! nimiae quem vetuere morae,)
Qui puer, atque infans prope, te sibi sensit amicum,
Eque tuis sophiae fontibus hausit aquas!
Imagis, et, purae quaecunque aptissima vitae
Praemia supplicibus det Deus ipse suis,
Haec pete rite seni venerando, Musa; quod Ille
Nec spe, nec fama, ditior esse potest.
Innumeris longum gratus societur amicis,
Inter Etonenses duxque paterque viros:
Felix intersit terris: superumque beato
Paulisper talem fas sit abesse choro.

* * * * *

INSCRIPTION

ON

MR. BRYANT'S MONUMENT,

IN

CYPENHAM CHURCH.

* * * * *

M--S

JACOB BRYANT

Collegii Regalis apud Cantabrigienses Olim Socii
Qui in bonis quas ibi hauserat artibus
excolendis consenuit.
Erant in eo plurimae literae
nec eae vulgares,
Sed exquisitae quaedam et reconditae,
quas non minore Studio quam acumine
ad illustrandam S.S veritatem adhibuit:
Id quod testantur scripta ejus gravissima,
tam in Historiae sacrae primordiis eruendis
quam in Gentium Mythologia explicanda versata.
Libris erat ad