Pledge to the leading star o' Spain,
The hero of Vittoria.

[39] At the battle of Vittoria, the 71st, or Glasgow Regiment, bore a
distinguished part. On this song, celebrating their achievements, being
produced at the Glasgow theatre, it was received with rapturous
applause; it was nightly called for during the season.

BLINK OVER THE BURN, SWEET BETTY.

AIR--_"Blink over the burn, sweet Betty."_

Blink over the burn, sweet Betty,
Blink over the burn to me;
Blink over the burn, sweet Betty,
An' I 'll gang alang wi' thee;
Though father and mither forbade it,
Forbidden I wadna be;
Blink over the burn, sweet Betty,
An' I 'll gang alang wi' thee.

The cheek o' my love 's like the rose-bud,
Blushing red wi' the mornin' dew,
Her hair 's o' the loveliest auburn,
Her ee 's o' the bonniest blue;
Her lips are like threads o' the scarlet,
Disclosing a pearly row;
Her high-swelling, love-heaving bosom
Is white as the mountain snow.

But it isna her beauty that hauds me,
A glitterin' chain winna lang bind;
'Tis her heavenly seraph-like sweetness,
An' the graces adornin' her mind;
She 's dear to my soul as the sunbeam
Is dear to the summer's morn,
An' she says, though her father forbade it,
She 'll ne'er break the vows she has sworn.

Her father's a canker'd auld carle,
He swears he will ne'er gie consent;
Such carles should never get daughters,
Unless they can mak them content;
But she says, though her father forbade it,
Forbidden she winna be;
Blink over the burn, sweet Betty,
An' I 'll gang alang wi' thee.

FAREWEEL TO ABERFOYLE.

AIR--_"Highland Plaid."_

My tortured bosom long shall feel
The pangs o' this last sad fareweel;
Far, far to foreign lands I stray,
To spend my hours in deepest wae;
Fareweel, my dear, my native soil,
Fareweel, the braes o' Aberfoyle!

An' fare-ye-weel, my winsome love,
Into whatever lands I rove,
Thou 'lt claim the deepest, dearest sigh,
The warmest tear ere wet my eye;
An' when I 'm wan'rin' mony a mile,
I 'll mourn for Kate o' Aberfoyle.

When far upon the raging sea,
As thunders roar, and lightnings flee,
When sweepin' storms the ship assail,
I 'll bless the music o' the gale,
An' think, while listenin' a' the while,