y."
I 'VE WANDER'D ON THE SUNNY HILL.
I 've wander'd on the sunny hill, I 've wander'd in the vale,
Where sweet wee birds in fondness meet to breathe their am'rous tale;
But hills or vales, or sweet wee birds, nae pleasures gae to me--
The light that beam'd its ray on me was Love's sweet glance from thee.
The rising sun, in golden beams, dispels the night's dark gloom--
The morning dew to rose's hue imparts a freshening bloom;
But sunbeams ne'er so brightly play'd in dance o'er yon glad sea,
Nor roses laved in dew sae sweet as Love's sweet glance from thee.
I love thee as the pilgrims love the water in the sand,
When scorching rays or blue simoom sweep o'er their withering hand;
The captive's heart nae gladlier beats when set from prison free,
Than I when bound wi' Beauty's chain in Love's sweet glance from thee.
I loved thee, bonnie Bessie, as the earth adores the sun,
I ask'd nae lands, I craved nae gear, I prized but thee alone;
Ye smiled in look, but no in heart--your heart was no for me;
Ye planted hope that never bloom'd in Love's sweet glance from thee.
OH! YEARS HAE COME.
Oh! years hae come, an' years hae gane,
Sin' first I sought the warld alane,
Sin' first I mused wi' heart sae fain
On the hills o' Caledonia.
But oh! behold the present gloom,
My early friends are in the tomb,
And nourish now the heather bloom
On the hills o' Caledonia.
My father's name, my father's lot,
Is now a tale that 's heeded not,
Or sang unsung, if no forgot
On the hills o' Caledonia.
O' our great ha' there 's left nae stane--
A' swept away, like snaw lang gane;
Weeds flourish o'er the auld domain
On the hills o' Caledonia.
The Ti'ot's banks are bare and high,
The stream rins sma' an' mournfu' by,
Like some sad heart maist grutten dry
On the hills o' Caledonia.
The wee birds sing no frae the tree,
The wild-flowers bloom no on the lea,
As if the kind things pitied me
On the hills o' Caledonia.
But friends can live, though cold they lie,
An' mock the mourner's tear an' sigh,
When we forget them, then they die
On the hills o' Caledonia.
An' howsoever changed the scene,
While mem'ry an' my feeling 's green,
Still green to my auld heart an' e'en
Are the hills o' Caledonia.
|