ma balu
bumale." immanuel, wurume baiamengu, goe "kamil.
kamil nginda ngarma bumala, nginda ngunna bumala, ngaia
balugi, giwir inar moron gigigo."
immanuel ngeanekunda baiame: ngerma baiame giwir
ginyi. murruba immanuel; kamil ngaragedul murruba
yealokwai ngerma.
ilambo immanuel taongo tai-yanani, giwir ginyi.
ngerma gir burula wibil murruba gimobi, burula muga murruba
gimobi, burula muga-binna murruba gimobi.
giwir
kair layaru. ngerngu bular boadi, mari, mata. layaru wibil
ginyi. bular boadi gurre waala immanuelgo, goaldendai,
"ngai daiadi, nginnu layaru, wibil." kamil yanani immanuel.
Yerala layaru baluni. bularbularo babine balun
taonda. ila immanuel taiyanani. mari mata ellibu
yugillona. immanuel goe, "nginnu daiadi yealo moron
gigi." burula giwir burula inar yugillona. immanuel
daonmago yanani. yarul daonma kundawi; immanuel
goe "ngindai arul diomulla" ngarma gir yarul diome.
immanuel kakuldone "layaru taiyanunga." i layaru
moron ginyi, taiyanani. bular boadi burul guiye.
ngarageduli miedul wibil ginyi; ngumba boiyoi wune;
kamil miedul murruba ginyi; murru ginyi wibil, ngullimun
baluni. buba yanani immanuel ngummillego; gir
ngummi; goe, "inda barai taiyanunga, murruba gimbildi
ngai miedul. ngai miedul burul wibil ngullimun baluni;
inda taiyanunga ngai kundigo." immanuel goe,
"ngulle yanoai kundigo." ila yanani bular
kundigo. ngumba duri, yugillona, goe "ngii! ngii! ngai
miedul baluni." burula inar yugillona goe "ngii!
miedul baluni." immanuel goe "kurria yunga. kamil
miedul baluni; yeal babillona." burulabu gindami;
ngarma gir balundai winungi. immanuel murra kawani
miedul, goe, "miedul waria." ila miedul moron ginyi,
warine, gurre goe. ngumba, buba ellibu, burul guiye.
ngarageduli bular giwir muga nguddelona turrubulda
immanuel aro yanani; bular muga winungi. kakuldone,
"immanuel, durunmi, wurume, davidu ngummilla!
ngurraga ngeane." burula giwir goe "kurria! kurria
ngindai kakullego." giwir muga yealo kakuldone
"durunmi, wurume davidu, ngummilla! ngurraga ngeane."
[Illustration: immanuel gir bular muga murruba gimobi.]
ila immanuel warine, goe "minna ngindai goalle? minna
ngaia murramulle?" ngarma goe, "durunmi, wuna
ngeane ngummildai." ila immanuel ngarma mil tamulda:
baianbu ngarma murru ngummillego.
burula kagil giwir immanuel kunmulta. ngarma
kaogo bindea yulalle. ngarma gir tulu wimi, ngaragedul
tulu nganbir wimi: ngarma gir immanuel wimi; murra
biru-duni, dinna biru-duni; tului w
|