f Langside, for which act he was forfeited by the Regent, but was
restored in 1573 by the treaty of Perth. Archibald Glen, a younger son
of the proprietor of Bar, was minister of Carmunnock, and died in
February 1614. Of two sons, Robert, the eldest, succeeded him in the
living of Carmunnock; the other, named Thomas, was a prosperous trader
in the Saltmarket of Glasgow; he died in 1735. His son Alexander was the
poet's father.

WAES ME FOR PRINCE CHARLIE.[33]

TUNE--_"Johnnie Faa."_

A wee bird cam to our ha' door,
He warbled sweet an' clearly,
An' aye the owercome o' his sang
Was, "Waes me for Prince Charlie."
Oh! whan I heard the bonnie soun',
The tears cam drappin' rarely;
I took my bannet aff my head,
For weel I lo'ed Prince Charlie.

Quoth I, "My bird, my bonnie, bonnie bird,
Is that a sang ye borrow?
Are thae some words ye 've learnt by heart,
Or a lilt o' dule an' sorrow?"
"Oh, no, no, no!" the wee bird sang,
"I 've flown sin' mornin' early,
But sic' a day o' wind and rain!--
Oh! waes me for Prince Charlie.

"On hills that are by right his ain,
He roves a lanely stranger;
On every side he 's press'd by want,
On every side is danger.
Yestreen I saw him in a glen,
My heart maist burstit fairly,
For sadly changed indeed was he--
Oh! waes me for Prince Charlie.

"Dark night cam on, the tempest roar'd
Loud o'er the hills an' valleys;
An' whare wast that your Prince lay down,
Whase hame should been a palace?
He row'd him in a Highland plaid,
Which cover'd him but sparely,
An' slept beneath a bush o' broom--
Oh! waes me for Prince Charlie."

But now the bird saw some red-coats,
An' he shook his wings wi' anger:
"Oh! this is no a land for me,
I 'll tarry here nae langer."
He hover'd on the wing a while,
Ere he departed fairly;
But weel I mind the farewell strain
Was, "Waes me for Prince Charlie."

[33] This song is understood to be a favourite with her present Majesty.

MARY OF SWEET ABERFOYLE.[34]

The sun hadna peep'd frae behint the dark billow,
The slow sinking moon half illumined the scene;
As I lifted my head frae my care-haunted pillow,
An' wander'd to muse on the days that were gane.
Sweet hope seem'd to smile o'er ideas romantic,
An' gay we