t
they may say their say--I am sure it's no for that--but he was as
kind-hearted a gentleman as ever lived, and as weel-fa'rd too. Oh, d'ye
ken, sir, when he is to suffer?'

'Suffer! Good heaven!--Why, where is he?'

'Eh, Lord's sake! d'ye no ken? The poor Hieland body, Dugald Mahoney,
cam here a while syne, wi' ane o' his arms cuttit off, and a sair
clour in the head--ye'll mind Dugald? he carried aye an axe on his
shouther--and he cam here just begging, as I may say, for something to
eat. Aweel, he tauld us the Chief, as they ca'd him (but I aye ca'
him the Colonel), and Ensign Maccombich, that ye mind weel, were ta'en
somewhere beside the English border, when it was sae dark that his folk
never missed him till it was ower late, and they were like to gang clean
daft. And he said that little Callum Beg (he was a bauld mischievous
callant that), and your honour, were killed that same night in the
tuilzie, and mony mae braw men. But he grat when he spak o' the Colonel,
ye never saw tie like. And now the word gangs, the Colonel is to be
tried, and to suffer wi' them that were ta'en at Carlisle.'

'And his sister?'

'Aye, that they ca'd the Lady Flora--weel, she's away up to Carlisle to
him, and lives wi' some grand Papist lady thereabouts, to be near him.'

'And,' said Edward, 'the other young lady?'

'Whilk other? I ken only of ae sister the Colonel had.'

'I mean Miss Bradwardine,' said Edward.

'Ou aye, the laird's daughter,' said his landlady. 'She was a very bonny
lassie, poor thing, but far shyer than Lady Flora.'

'Where is she, for God's sake?'

'Ou, wha kens where ony o' them is now? Puir things, they're sair ta'en
doun for their white cockades and their white roses; but she gaed north
to her father's in Perthshire, when the Government troops cam back to
Edinbro'. There was some pretty men amang them, and ane Major Whacker
was quartered on me, a very ceevil gentleman,--but oh, Mr. Waverley, he
was naething sae weel-fa'rd as the puir Colonel.'

'Do you know what is become of Miss Bradwardine's father?'

'The auld laird?--na, naebody kens that; but they say he fought
very hard in that bluidy battle at Inverness; and Deacon Clark, the
white-iron smith, says, that the Government folk are sair agane him
for having been OUT twice; and troth he might hae ta'en warning,--but
there's nae fule like an auld fule--the puir Colonel was only out ance.'

Such conversation contained almost all the good-natured wid