got a
glisk o' his Honour as he gaed into the wood, and banged aff a gun at
him, I out like a jer-falcon, and cried,--"Wad they shoot an honest
woman's poor innocent bairn?" And I fleyt at them, and threepit it was
my son; and they damned and swuir at me that it was the auld rebel, as
the villains ca'd his Honour; and Davie was in the wood, and heard the
tuilzie, and he, just out o' his ain head, got up the auld grey mantle
that his Honour had flung off him to gang the faster, and he cam out o'
the very same bit o' the wood, majoring and looking about sae like his
Honour, that they were clean beguiled, and thought they had letten aff
their gun at crack-brained Sawney, as they ca'd him; and they gae
me saxpence, and twa saumon fish, to say naething about it.--Na, na;
Davie's no just like other folk, puir fallow; but he's no sae silly as
folk tak him for.--But, to be sure, how can we do eneugh for his Honour,
when we and ours have lived on his ground this twa hundred years; and
when he keepit my puir Jamie at school and college, and even at the
Ha'-house, till he gaed to a better place; and when he saved me frae
being ta'en to Perth as a witch--lord forgi'e them that would touch
sic a puir silly auld body!--and has maintained puir Davie at heck and
manger maist feck o' his life?'
Waverley at length found an opportunity to interrupt Janet's narrative,
by an inquiry after Miss Bradwardine.
'She's weel and safe, thank God! at the Duchran,' answered the Baron.
'The laird's distantly related to us, and more nearly to my chaplain,
Mr. Rubrick; and, though he be of Whig principles, yet he's not
forgetful of auld friendship at this time. The Bailie's doing what he
can to save something out of the wreck for puir Rose; but I doubt, I
doubt, I shall never see her again, for I maun lay my banes in some far
country.'
'Hout na, your Honour,' said old Janet; 'ye were just as ill aff in the
feifteen, and got the bonnie baronie back, an' a'.--And now the eggs is
ready, and the muir-cock's brandered, and there's ilk ane a trencher and
some saut, and the heel o' the white loaf that cam frae the Bailie's;
and there's plenty o' brandy in the greybeard that Luckie Maclearie sent
doun; and winna ye be suppered like princes?'
'I wish one Prince, at least, of our acquaintance, may be no worse off,'
said the Baron to Waverley, who joined him in cordial hopes for the
safety of the unfortunate Chevalier.
They then began to talk of their
|