ter; for howsone she understude the said gentilman to be in distress,
and apperantlie be his confession to be puueist to the death, and she
having prevelege to ly in the queynis chalmer that same verie night of
his accusation, whare the king was also reposing that same night, she
came forth of the dur prevelie, bayth the prencis being then at quyet
rest, and past to the chalmer, whare the said gentilman was put
in custodie to certayne of the garde, and commandit thayme that
immediatelie he sould be broght to the king and queyne, whareunto thay
geving sure credence, obeyit. Bot howsone she was cum bak to the chalmer
dur, she desyrit the watches to stay till he sould cum furth agayne, and
so she closit the dur, and convoyit the gentilman to a windo', whare she
ministrat a long corde unto him to convoy himself doun upon; and sa,
be hir gude cheritable help, he happelie escapit be the subteltie of
loove."

[Footnote A: Twynelace, according to Spottiswoode.]

THE LAIRD O' LOGIE.

I will sing, if ye will hearken,
If ye will hearken unto me;
The king has ta'en a poor prisoner,
The wanton laird o' young Logie.

Young Logie's laid in Edinburgh chapel;
Carmichael's the keeper o' the key;
And may Margaret's lamenting sair,
A' for the love of young Logie.

"Lament, lament na, may Margaret,
"And of your weeping let me be;
"For ye maun to the king himsell,
"To seek the life of young Logie."

May Margaret has kilted her green cleiding,
And she has curl'd back her yellow hair--
"If I canna get young Logie's life,
"Fareweel to Scotland for evermair."

When she came before the king,
She knelit lowly on her knee--
"O what's the matter, may Margaret?
"And what needs a' this courtesie?"

"A boon, a boon, my noble liege,
"A boon, a boon, I beg o' thee!
"And the first boon that I come to crave,
"Is to grant me the life of young Logic."

"O na, O na, may Margaret,
"Forsooth, and so it manna be;
"For a' the gowd o' fair Scotland
"Shall not save the life of young Logie."

But she has stown the king's redding kaim,[A]
Likewise the queen her wedding knife;
And sent the tokens to Carmichael,
To cause young Logic get his life.

She sent him a purse o' the red gowd,
Another o' the white monie;
She sent him a pistol for each hand,
And bade him shoot when he gat free.

When he came to the tolbooth stair,
There he let his volley flee;