of country.
"My father tauld me sae forty years sin', but I ne'er fand time to mind
him--Jock, ne'er drink brandy in the morning, it files the stamach sair;
gin ye take a morning's draught, let it be aqua mirabilis; Jenny there
makes it weel--Doctor, my breath is growing as scant as a broken-winded
piper's, when he has played for four-and-twenty hours at a penny
wedding--Jenny, pit the cod aneath my head--but it's a' needless!--Mass
John, could ye think o' rattling ower some bit short prayer, it wad do
me gude maybe, and keep some queer thoughts out o' my head, Say
something, man."
"I cannot use a prayer like a rat-rhyme," answered the honest clergyman;
"and if you would have your soul redeemed like a prey from the fowler,
Laird, you must needs show me your state of mind."
"And shouldna ye ken that without my telling you?" answered the patient.
"What have I been paying stipend and teind, parsonage and vicarage, for,
ever sin' the aughty-nine, and I canna get a spell of a prayer for't, the
only time I ever asked for ane in my life?--Gang awa wi' your whiggery,
if that's a' ye can do; auld Curate Kilstoup wad hae read half the
prayer-book to me by this time--Awa wi' ye!--Doctor, let's see if ye can
do onything better for me."
The doctor, who had obtained some information in the meanwhile from the
housekeeper on the state of his complaints, assured him the medical art
could not prolong his life many hours.
"Then damn Mass John and you baith!" cried the furious and intractable
patient. "Did ye come here for naething but to tell me that ye canna help
me at the pinch? Out wi' them, Jenny--out o' the house! and, Jock, my
curse, and the curse of Cromwell, go wi' ye, if ye gie them either fee or
bountith, or sae muckle as a black pair o' cheverons!"*
*_Cheverons_--gloves.
The clergyman and doctor made a speedy retreat out of the apartment,
while Dumbiedikes fell into one of those transports of violent and
profane language, which had procured him the surname of Damn-me-dikes.
"Bring me the brandy bottle, Jenny, ye b--," he cried, with a voice in
which passion contended with pain. "I can die as I have lived, without
fashing ony o' them. But there's ae thing," he said, sinking his
voice--"there's ae fearful thing hings about my heart, and an anker of
brandy winna wash it away.--The Deanses at Woodend!--I sequestrated them
in the dear years, and now they are to flit, they'll starve--and that
Beersheba, and that auld
|