gnols nomme Diego Castalin luy dit ces mots, ne
vous desconfortez nullement, il est pres de midy: mais je veux que nous
allions coucher a Bourdeaux, le Cure pensoit qu'il le disse par risee,
veu qu'il y avoit pres de cent lieues, neantmoins ce, apres estre assis
tous ensemble, ils se mirent a sommeiller, au reveil du Cure, environ
les six heures du soir, il se trouve aux portes de Bourdeaux avec ces
Espagnols. Estant enquis de ses amis qu'il avoit fait, il monstre ses
actes faites du mesme jour dans Dole, nul ne peut croire ce fait, il
asseure au contraire, un Conseiller de Bourdeaux en fust adverty,
il voulut scavoir comment cela s'estoit passe, il declare les trois
Espagnols & la femme qu'ils menoient, on fouille leurs bagages, ou
se trouve plusieurs livres, caracteres, billets cires, cousteaux,
parchemins, & autres denrees servant a magie, ils sont examinez, ils
confessent le tout, & plus que l'on ne leur demandoit, disant entre
autres, d'avoir fait par leurs malheureuses oeuvres, perir les fruits de
la terre, aux endroits ou leur plaisoit, d'avoir fait mourir plusieurs
personnes & bestail, & estoient resoluts sans ceste descouverte de faire
plusieurs maux du coste de Bourdeaux, la Cour leur fit leur procez
extraordinaire, qui leur fut prononce le premier Mars, mil six cens dix,
en la maniere que s'ensuit:
_Extraict des Registres de la Cour de Parlement._
Veu par la Cour les chambres assemblees, le procez Criminel &
extraordinaire par les Conseillers a ce deputez, a la Requeste du
Sieur Procureur general du Roy en ce qui resulte a l'encontre de Diego
Castalin, natif de Boquo en Espaigne, & de Francesco Ferdillo natif de
Lina en Castille, & de Vincentio Torrados natif de Madril, & de encores
Catalina Fiosela, natifve de Colonasos, les conclusions du sieur
Procureur general du Roy: ouys & interrogez par ladite Cour, lesdits
accusez sur les enchantemens, magies, sorcileges, & autres oeuvres
diabolique, & plusieurs autres crimes a eux imposez, tout considere dit
a este, que ladite Cour a declare & declare, lesdits Diego Castalin,
Francesco Ferdillo, & Vincentio Torrados, & encore Catalina Fiosella,
deuement attaints & convaincus des crimes de magies, sorcileges,
& autres pernicieuses oeuvres malheureuses & diaboliques. Et pour
reparation desquels crimes, les a ladite Cour condamne & condamne a
estre prins mene par l'executeur de la haute justice, en la place du
marche au porc, & este conduit sur un buscher pour illec
|