estre bruslez
tous vifs, & leurs corps estre mis en cendres, ensemble leur liures,
caracteres, cousteaux parchemins, billets, & autres servant a magie.
Donne a Bourdeaux en Parlement, le 1. Mars 1610.
Estant sur le buscher ils declarent plusieurs malheureuses oeuvres
diaboliques qu'ils exercoient par art de Magie, & dirent qu'ils avoient
apris ledit art a Toledos en Espaigne, ou ordinairement s'en faisoit
escole publique, & que par le moyen de ceste fanatique science, ils
avoient puissance de faire perir plusieurs personnes, bestail & porter
beaucoup de dommages aux fruicts de la terre, aussi ils confesserent
d'avoir voulu entrer dans la Rochelle, ce qui ne leur fut permis & n'y
alloyent a autre fin, sinon pour faire par leur diabolique science perir
plusieurs personnes: disant que quand ils vouloyent avec certaines
poudres qu'ils brusloient ils infectoient laer, tellement que plusieurs
personnes attaints de ceste mauvaise & pernicieuse odeur mouroient
subitement.
L'espagnolle qui les suyvoit nommee Catalina Fiosela, dit & confessa
une infinite de meschancetez par elle exercez entre autres par ses
malheureux Sorcilleges, elle avoit fait avorter une infinite de femmes
enceintes, & d'avoir infecte avec certaines poisons plusieurs fontaines,
puits, & ruisseaux, & aussi d'avoir fait mourir plusieurs bestail, &
d'avoir fait par ses charmes tumbe pierres & gresles sur les biens &
fruits de la terre: apres sa confession elle fut incitee a crier mercy
a Dieu, ce que jamai ne voulut faire: ainsi fut la fin de ces maudits
Magiciens, lesquels estant possedez du diable meurent sans aucune
contrition de leurs fautes & pechez.
Voila qui doit servir d'example a plusiers personnes qui s'estudient a
la Magie, d'autres si tost qu'ils ont perdu quelque chose s'en vont au
devin, & sorciers, & ne considerent pas qu'allant vers eux, ils vont
vers le Diable, & quittent leur Dieu & Createur pour suivre l'ennemy &
le prince des tenebres.
Mais qu'en vint il a la fin? une ruine miserable, comme il est arrive a
ces pauvres malheureux: car Dieu qui est jaloux de son honneur, & de sa
gloire, ne permet pas que ces tours de Babel, qui ont este edifiees par
cet arrogant & superbe qui ne tasche qu'a obscurcir sa gloire, puissent
durer long temps, & des aussitost qu'il commence a s'ennuyer de ces
crimes trop odieux, du premier mouvement qu'il remue sa main pour les
accabler, tout cela s'en va en poudre, & n'en sort qu'une confusion
miserable de
|