_Messires Marc_: 'Encore une foiz, biaus sires, li _Bacsi_ de
_Tebet_ et de _Kescemir_ et li prestre de _Seilan_, qui si dient que
l'arme vivant doie trespasser par tous cez changes de vestemens; si com
se treuve escript ou livre _Maistre Rusticien_ que _Sagamoni Borcan_
mourut iiij vint et iiij foiz et tousjourz resuscita, et a chascune foiz
d'une diverse maniere de beste, et a la derreniere foyz mourut hons et
devint diex, selonc ce qu'il dient.'[17] Et fist encore _Messires Marc_:
'A moy pert-il trop estrange chose se juesques a toutes les creances des
ydolastres deust decheoir ceste grantz et saige nation. Ainsi peuent
jouer Misire li filsoufe atout lour propre perte, mes a l'ore quand tiex
fantaisies se respanderont es joenes bacheliers et parmy la menue gent,
celz averont pour toute Loy _manducemus et bibamus, cras enim moriemur_;
et trop isnellement l'en raccomencera la descente de l'eschiele, et
d'home crestien deviendra hons sauvaiges, et d'home sauvaige gat-
maimons, et de gat-maimon blayriaus.' Et fist encores _Messires Marc_:
'Maintes contrees et provinces et ysles et citez je _Marc Pol_ ay veues
et de maintes genz de maintes manieres ay les condicionz congneues, et
je croy bien que il est plus assez dedens l'univers que ce que li nostre
prestre n'y songent. Et puet bien estre, biaus sires, que li mondes n'a
estes crees a tous poinz com nous creiens, ains d'une sorte encore plus
merveillouse. Mes cil n'amenuise nullement nostre pensee de Diex et de
sa majeste, ains la fait greingnour. Et contree n'ay veue ou Dame Diex
ne manifeste apertement les granz euvres de sa tout-poissante saigesse;
gent n'ay congneue esquiex ne se fait sentir li fardels de pechie, et la
besoingne de Phisicien des maladies de l'arme tiex com est nostre
Seignours Ihesus Crist, Beni soyt son Non. Pensez doncques a cel qu'a
dit uns de ses Apostres: _Nolite esse prudentes apud vosmet ipsos_; et
uns autres: _Quoniam multi pseudo-prophetae exierint_; et uns autres:
_Quod benient in nobissimis diebus illusores ... dicentes, Ubi est
promissio?_ et encores aus parolles que dist li Signours meismes: _Vide
ergo ne lumen quod in te est tenebrae sint_.
_Commant Messires Marcs se partist de l'ysle de Bretaingne et de la
proyere que fist_.
"Et pourquoy vous en feroie-je lonc conte? Si print nef _Messires Marcs_
et se partist en nageant vers la terre ferme. Or _Messires Marc Pol_
|