The plees of the crowne were pletyd in the tour.]

This same yere the plees of the coroune were pleted in the tour of
London, and Hugh of Cisell was drawe and hanged.

[Custodes.]--John Holylond. Anno viij.
Edward Fitz Gerard.

Rog' de Wynchestre. Anno ix.
Edmond Hardell.

This yere the enterdytynge of the reaume was new proclamed thorugh out
Engelond. Also in this yere was born Herry the kynges sone; and in
this yere the kyng wan Irlond.

TEMPORE REG' JOH'IS. [1208-1214.]

Henr' Fitz Aldewyne, Petrus Duke. Anno x^{o}.
P'mus maior. Thom' Neell.

[Sidenote: P'm's maior. Sent Mary Overy was begonne.]

In this yere was the firste maire of London; and seynt Marie Overeye
was that yere begonne.

Id'm maior. Petrus Josne. Anno xi^{o}.
Will'm' Elande.

[Sidenote: The cessyng of the enterdytyng of this land. London brigge
was first begonne to make.]

In this same yere the land was reconsyled, and the enterdytyng cesed:
and in this yere the stone brigge of Londone was first begonne to
make.

Id'm maior. Adam Whateley. Anno xii^{o}.
Stephen le Grace.

In this yere an eretyk was brent for eresye, the whiche be craft
quenchyd ofte the fire.

Id'm maior. Joys Fitz Piers. Anno xiij^{mo}.
John Gerland.

[Sidenote: A gret parte of London was brent.]

In this yere was gret discencione be twen the kyng and hise lordes;
and Lowys the kynges son of Fraunce was waget to come into Engelond
with manye Frensshmen, whiche dede moche harme in the reaume or they
wenten home; and the kyng wente with his hoost to Berham Downe. And in
this yere, on seyn Benettes day, Southwerk, Londone brigge, and the
moost part of London was brent.

Id'm maior. Rauf Eylond. Anno xiiij^{mo}.
Constantin' Josne.

In this yere was Castell Baynard cast done and distroied.

Rog' Fitz Aleyn, Martin Fitz Alice. Anno xv^{o}.
maior. Peter Bate.

In this yere, on candelmasse even, the kyng seyled unto Peytowe.

TEMPORE REG' JOH'IS. [1214-1216.]

Id'm maior p'p' anni, Salamon Basynges. Anno xvj^{o}.
et Cerle, m'c' Hugo Basynges.
p' residuo.

[Sidenote: The ordre of Frere Menors began.]

In this yere, that is to seye the yere of oure lord a m^{l}'ccxiiij,
began the ordre of seynt Fraunceys, besyde the assise of Frere
Menours. And in this yere, in the fest of Gordiam in