artie slayne and
brent. And in this yere began the ordre of seynt Tonyes in Pruce. In
that yere in the monthe of Decembre cam kyng William of Scotlande to
Caunterbury and dede homage to kyng Richard.

Custodes.--Herry Cornhill. Anno primo.
Richard Fitz Reyvery.

This same yere the emperor Frederyk with an huge ooste wente to
Jerusalem.

Custodes.--John Herlyonn. Anno secundo.
Roger le Duke.

This yere the emperor Frederyk deyde in his goynge to Jerusalem; and
in this yere began the orde of oure lady in Pruce, that is to sey in
the yere of oure lord a m^{l}'clxxxx.

Custodes.--William Hav'hille. Anno tercio.
John Buknote.

[Sidenote: The popes legat put oute al the monkes of the p'orye of
Coventry and put yn seculer chanons.]

This yere the kyng with many lordes of Engelond wente over the see in
to the holy land and toke the strong citee of Acres and killed manye
Sarasygnes. And in this yere Hugo Nonant bysshopp of Coventre and
Lychefelde, thanne beynge the popes legat, putte out alle the monkes
of the priorye of Coventre and putte in seculere chanons.

Custodes.--Nicholl Doket. [Anno quarto.]
Pers Newelyne.

This yere the kyng toke the Ile of Cipre; and the prynce of the same
ile he lete folowe hym in sylver cheynes.

Custodes.--Roger Duke. Anno v^{to}.
Ric' the sone of Aleyne.

William Fitz Isabell. Anno vj^{to}.
William Fitz Arnulf.

[Sidenote: Kyng Richard was taken p'son' and raunsoned at an c m'
li'.]

This yere the kyng comynge homward fro the holy lond was taken of the
duke of Ostrich and brought to the emperor, and there he was
emprysoned and afterward raunsoned at an c m^{l}' li', whiche somme to
pay everych other chalys in Engelond was broken and coyned into
moneye, and the monkes of Cisteux' solden there bookes for to paye the
kynges raunsone.

TEMPORE REG' RICI' PRIMI. [1195-1199.]

Custodes.--Robert Besaunt. Anno vij^{o}.
Jokell le Josne.

[Custodes.]--Gerard de Antiloche. Anno viij^{o}.
Robert Duraunt.

[Sidenote: An heretike with the long berde.]

In this yere the kyng come in to Engelond, and tok the castell of
Notynghame, and disherited John his brother. And the same yere kyng
Richarde was crowned ayeyne at Westm'. And in the same yere an
heretyke called with the longe berd was drawen and hanged for heresye
and cursed doctrine that he ha