heerie;
An' thus, without a wish or want,
Live happy wi' my dearie.
THE HAZELWOOD WITCH.
For mony lang year I hae heard frae my grannie
Of brownies an' bogles by yon castle wa',
Of auld wither'd hags that were never thought cannie,
An' fairies that danced till they heard the cock caw.
I leugh at her tales; an' last owk, i' the gloamin',
I daunder'd, alane, down the hazelwood green;
Alas! I was reckless, and rue sair my roamin',
For I met a young witch, wi' twa bonnie black e'en.
I thought o' the starns in a frosty night glancing,
Whan a' the lift round them is cloudless an' blue;
I looked again, an' my heart fell a-dancing,
When I wad hae spoken, she glamour'd my mou'.
O wae to her cantrips! for dumpish I wander,
At kirk or at market there 's nought to be seen;
For she dances afore me wherever I daunder,
The hazelwood witch wi' the bonnie black e'en.
FAREWELL TO AYRSHIRE.[111]
Scenes of woe and scenes of pleasure,
Scenes that former thoughts renew;
Scenes of woe and scenes of pleasure,
Now a sad and last adieu!
Bonny Doon, sae sweet at gloamin',
Fare thee weel before I gang;
Bonny Doon, whare, early roamin',
First I weaved the rustic sang.
Bowers, adieu! where, love decoying,
First enthrall'd this heart o' mine;
There the saftest sweets enjoying,
Sweets that memory ne'er shall tine.
Friends sae near my bosom ever,
Ye hae render'd moments dear;
But, alas! when forced to sever,
Then the stroke, O how severe!
Friends, that parting tear reserve it,
Though 'tis doubly dear to me;
Could I think I did deserve it,
How much happier would I be.
Scenes of woe and scenes of pleasure,
Scenes that former thoughts renew;
Scenes of woe and scenes of pleasure,
Now a sad and last adieu!
[111] This is another song of Richard Gall which has been assigned to
Burns; it has even been included in Dr Currie's edition of his works. It
was communicated anonymously by Gall to the publisher of the "Scots
Musical Museum," and first appeared in that work. The original MS. of
the song was in the possession of Mr Stark, the author of a memoir of
Gall in the "Biographia Scotica."
GEORGE SCOTT.
George Scott was the son of a small landowner in Roxburghshire. He was
born at Dingleton, near
|