e and stern tone,
"but what is befitting a friend to say, and her husband to hear. Of me
you are welcome to say your full pleasure."

"Aweel, aweel," said the Bailie, somewhat disconcerted, "we'se let that
be a pass-over--I dinna approve of making mischief in families. But here
are your twa sons, Hamish and Robin, whilk signifies, as I'm gien to
understand, James and Robert--I trust ye will call them sae in
future--there comes nae gude o' Hamishes, and Eachines, and Angusses,
except that they're the names ane aye chances to see in the indictments
at the Western Circuits for cow-lifting, at the instance of his
majesty's advocate for his majesty's interest. Aweel, but the twa lads,
as I was saying, they haena sae muckle as the ordinar grunds, man, of
liberal education--they dinna ken the very multiplication table itself,
whilk is the root of a' usefu' knowledge, and they did naething but
laugh and fleer at me when I tauld them my mind on their ignorance--It's
my belief they can neither read, write, nor cipher, if sic a thing could
be believed o' ane's ain connections in a Christian land."

"If they could, kinsman," said MacGregor, with great indifference, "their
learning must have come o' free will, for whar the deil was I to get them
a teacher?--wad ye hae had me put on the gate o' your Divinity Hall at
Glasgow College, 'Wanted, a tutor for Rob Roy's bairns?'"

"Na, kinsman," replied Mr. Jarvie, "but ye might hae sent the lads whar
they could hae learned the fear o' God, and the usages of civilised
creatures. They are as ignorant as the kyloes ye used to drive to market,
or the very English churls that ye sauld them to, and can do naething
whatever to purpose."

"Umph!" answered Rob; "Hamish can bring doun a black-cock when he's on
the wing wi' a single bullet, and Rob can drive a dirk through a twa-inch
board."

"Sae muckle the waur for them, cousin!--sae muckle the waur for them
baith!" answered the Glasgow merchant in a tone of great decision; "an
they ken naething better than that, they had better no ken that neither.
Tell me yourself, Rob, what has a' this cutting, and stabbing, and
shooting, and driving of dirks, whether through human flesh or fir deals,
dune for yourself?--and werena ye a happier man at the tail o' your
nowte-bestial, when ye were in an honest calling, than ever ye hae been
since, at the head o' your Hieland kernes and gally-glasses?"

I observed that MacGregor, while his well-meaning kinsma