stealth, tasted, mouth]
Fu' cozie in the neuk for't, [corner]
Unseen that night.
But Merran sat behint their backs, [Marian]
Her thoughts on Andrew Bell;
She lea'es them gashin' at their cracks, [leaves, gabbing, chat]
An' slips out by hersel:
She thro' the yard the nearest taks, [nearest way]
An' to the kiln she goes then,
An' darklins grapit for the bauks, [in the dark, groped, beams]
And in the blue-clue[12] throws then,
Right fear'd that night. [frightened]
An' aye she win't, an' aye she swat, [wounded, sweated]
I wat she made nae jaukin'; [know, trifling]
Till something held within the pat, [kiln-pot]
Guid Lord! but she was quaukin'!
But whether 'twas the Deil himsel,
Or whether 'twas a bauk-en', [beam-end]
Or whether it was Andrew Bell,
She did na wait on talkin
To spier that night. [ask]
Wee Jenny to her grannie says,
'Will ye go wi' me, grannie?
I'll eat the apple[13] at the glass,
I gat frae uncle Johnie:'
She fuff't her pipe wi' sic a lunt, [puffed, smoke]
In wrath she was sae vap'rin,
She noticed na an aizle brunt [cinder burnt]
Her braw new worset apron [worsted]
Out-thro' that night.
'Ye little skelpie-limmer's face! [young hussy's]
I daur you try sic sportin', [dare]
As seek the foul Thief ony place, [Devil]
For him to spae your fortune! [tell]
Nae doubt but ye may get a sight!
Great cause ye hae to fear it;
For mony a ane has gotten a fright,
An' lived an' died deleerit, [delirious]
On sic a night.
'Ae hairst afore the Sherra-moor,-- [One harvest, Sherriffmuir]
I mind't as weel's yestreen, [remember, last night]
I was a gilpey then, I'm sure
|